Projet "Troi dles rodes" da Pruca a Blumau

La seconda comiscion per la sconanza dl ambient à dit scì a deplù miories te Gherdeina

Te Selva pòl aldò dla 2. Comiscion per la sconanza dl ambient vegnì fat su danuef l mur de sostegn a la streda che conduj tl raion „La Selva“. „Al ne se trata nia de n majer intervent tla natura davia che l mur ne vegn nia engrandì“, dij l president Torggler. L mur vedl à truepes sfessures y é per chesta gauja scialdi pericolous. Per avei na mioura stabelté vegniràl ence arenté (tachè) miec tl sotfonz. L'entreda al sotpassaje per ruvé tl raion da Insom vegnirà tamben adateda miec a la contreda.

La streda passa l portoi de Col Raiser riesc soura la stazion de val. Plu da giut passova la streda soura l portoi via. La sozieté di implanc portamont "Col Raiser" à azeté la proposta dla seconda Comiscion per la sconanza de mioré les entredes, enjignan i contourns a na moda che al posse vegnì enverdì dut defata. Sen él naouta vegnù dé pro al projet esecutif.

L troi dles rodes da Kollmann enchin ju a Blumau dess passé sun la vedla trassa dla ferata. Enscì él vedù dantfora dal projet ortié ite da la Comunité Comprensoriala Salten-Scilier. A Kollman él vedù dantfora de despassé via da l'autra riva de ruf sun n puent con deplù pilastri.