benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Pater Markus: l agnul di pueresc y di perjoniers é mort
scrit ai 14 January 2004 da les 21:52:14 da noeles

Persones

 

Pater Markus Ferdigg é mort encuei da doman

Sie moto de vita: "Daidé i autri é desche liegreza" - Al vegnirà acomié en lunesc tla gliejia di Franzescans a Bulsan

Encuei da doman é Pater Markus Ferdigg mort tla eté de feter 81 agn tla clinica de S. Maria a Bulsan. Al vivova bele da n ann tla clinica do che al ti ova dé l bot. Sie stade ne fova nia grief. Dret lesier s'àl encuei endormedì do l gosté, chest él vegnù confermé da les infermieres dla clinica. Pater Markus fova leis amez ju, do che al ti ova dé l bot. Per chest fòvel vegnù tout su tla clinica. Purempò daidova Pater Markus inant, tres l aiut de amisc, i pueresc y i perjoniers da sie let da amalé enfora. Pater Markus vegnirà acomié en lunesc: da les does domesdì vegniràl conzelebré na funzion tla gliejia di Franzescans, dedò vegniràl sepolì tla cortina de Bulsan.



Pater Markus Ferdigg o Merch per ladin, fova nasciù ai 22 de merz dl 1923 a Costalungia, na vila dl paisc de Rina, desche secont mut de 8. Do si studes a Roma fòvel ju tla claustra (=convent) di Franzescans todesc a Bulsan. Al ova spo ensegné tla scola di patres franzescans, storia, geografia, talian y latin. Vedan les soferenzes entournvia, àl metù man ti agn '60-70 a se dé ju con i  perjoniers. Da plu de 30 agn daidòvel persones zenza tet y pueresc che clocherova a sia porta tla streda di Franzescans a Bulsan, dessenan cotant i vejins. Ma al ova ence trueps sostegnidours, desche el enstes à dit.

Pater Markus fova conesciù, ajache dutes les persones che ova debujegn de ceze giatova da el dagnora n aiut: mangiadives y enchinamai valch sciolde. Tl 1969 òvel metù en pé na luegia de prum aiut y sostegn ai ex-perjoniers. "Daidé i autri é desche liegreza" fova sie moto de vita. Chest àl declaré en gaujion de sie ultim compliann ai 22 de merz dl ann passé, can che al ova complì i 80 agn. Enlaouta òvel ence dé n  messaje ai joegn: "Al é emportant, se engajé, daidé l proscim, scinché liegreza y nia demé pensé a se enstesc"

Do che al ti à dé l bot ne podova Pater Markus nia plu daidé personalmenter cheles truepes persones che vegniva vigni dì dant sia porta tla streda di Franzescans a Bulsan a prié do aiut. Dant da n meis à la comunité de San Vinzenz sourantout chesta enciaria, ala deida ence “i protejés” de Pater Markus, y conduj enscì inant sia arpejon spirituala.


 
Liams emparentés
· Deplú sun l tema Persones
· Chier te noeles


L articul plu liet te chest tema Persones:
Laudatio per dr. Paul Videsott


Valutazion dl articul
Cumpeida mesana de oujes: 0
Oujes: 0

Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.378 seconc