benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

SPELL: dai 12 ai 14 de dezėmber Convėgn a Urtijėi
scrit ai 07 December 2002 da les 19:04:26 da noeles

Ladin Standard

 

Punt culminėnt la presentaziun dl DIZIONAR DI LADIN STANDARD O LADIN DOLOMITAN - Le model é sté le Rumantsch Grischun

In le proscim fin d'edema ai 12 ai 14 de dezėmber  gnarąl tignģ a Urtijėi sön iniziativa dl proiet SPELL en convėgn de planisaziun linguistica che ą por i Ladins sciöche punt culminėnt la presentaziun dl "Dizionar dl Ladin Standard", dit ince Ladin Dolomitan. Le tru por rovč a chėsc resultat é sté lunch y al ne ą nia mancé de vigni sort de spedrades politiches, l'ultima de setėmber dl 2002. Mo le proiet y danfora le diretur nü dl proiet dr. Erwin Valentini ne s'ą nia lascé inscialtrģ, cun rajun.



Al fō tla sentada di 23.09.1988 canche i Consėis dl Istitut Ladin Micurą de Rü y de Fascia ti ą surandč ofizialmėnter al professur universitar dr. Heinrich Schmid dl'université da Zürich l'inciaria de elaurč diretives por en lingaz ladin standard do le ejėmpl dl Rumantsch Grischun por i Ladins tla Svizra. Heinrich Schmid ą salpü da presenté ala fin dl 1993 en conzet scialdi tler che ą acontentč düc i componėnc dla comisciun che ą acompagné i laurs preparatorics dl professur Schmid, adinfora de öna na chestiun che ą scialdč sö les animositźs, la forma dl articul masculin "l" (la stangia), danter ater dassėnn criticada dal dr. Lois Craffonara, laota diretur dl Istitut, che ą orü avėi formes "plėnes" por l'articul ince tl LD, sciöche al vėgn aldčdaincö adorč tla Val Badia. Al é da noté che le professur in ponsiun dr. Heinrich Schmid ne n'ą ghiré degun onorar (adenfora de spėises por spėisa y alberch canche al é gnü adalerch), por lauré fora les regoles de basa, la fondamėnta dl Ladin standart. Al ą fat chėsc laur gratis.

La politica ą laurč deperpo tres decuntra, danfora la SVP de Gherdėna. I pröms agn '90 é stés caraterisés da de vigni sort de stritaries politiches condütes ite tla discusciun dala SVP de Gherdėna. Da so gremo s'ąl cinamai formč na uniun ad hoc "Regula Ladina" cun le fin de impedģ le proiet, manacian ince na assurda plöra al Tribunal di Dėrc Umans a Strassburg. Chėsta uniun s'ą spo tosc desfantč tl nģa, nia indere l'oposiziun dla SVP (ladina) in general che döra cina aldédaincö te formes plü o manco stersces, pormņ de setėmber dl 2002 él gnü fora na tuta de posiziun tla medema tradiziun. Le presidėnt dl Istitut Micurą de Rü, dr. Valentin, ą ince porvč dl 1992 da mėte "sot a tlč" le proiet, mo zėnza degun suzčs. Le proiet ne ź nia plü da tignģ sö.

Do che le professur Schmid ą albü stlüt jö so laur, lascian davertes valgönes chestiuns (valgönes formes dl plural y la forma dl articul masculin sciöche dit dessura), é la chestiun é gnüda tuta tles mans dala Uniun Generala di Ladins dles Dolomites che ą metü in pé aposta le proiet "SPELL" te na colauraziun cun i 2 Istituc y l'IPL y sostignģ finanziaramėnter dandadöt dal'Uniun Europea. A chėsta mainiera ą le proiet arjunt na dimensciun europea. Insciö ąn podü laurč plü in pźsc, zėnza les presciuns politiches provinziales che caraterisėia zėnza la vita culturala tles vals ladines, presciuns che oress ion lié a vigni contribut ince l'aspetativa de conformité politica. La dimensciun europea vėgn ince sotliniada dal fat che al Convėgn dai 12-14 de dezėmber tolarąl pert esperc y linguisc' da desvalis statesc d'Europa, da raiuns olache an ą fat le medem vare, da spidiciamėnt dialetal a na verjiun standardisada de lingaz.

Sön la basa dles diretives de Heinrich Schmid él spo gnü laurč fora da en grup componü impröma da Paul Videsott, Daria Valentin, Nadia Chiochetti y Ruth Bernardi cun d'atri colauradus de Fodom y Ampėz le vocabular y les diretives por na gramatica che é bele gnüs a löm dl 1997 te na pröma verjiun provisorica y dl 1999 te na secunda verjiun provisorica. De jügn dl 2001, sot la direziun de Erwin Valentini, él gnü fora la verjiun plü definitiva dla gramatica y sėgn da Nadč vėgnel presenté le Dizionar dl Ladin Standard, le stromėnt essenzial por che vignun pois spo se dč jö concretamėnter cun le scrģ tla verjiun standard, ince sce al romagn forsc ciamņ valgügn punc nia tlaris.

Te chisc agn, do che le Ladin Dolomitan o standard é bele gnü adoré sovėnz tla Usc di Ladins, ąn podü odėi che al vėgn capģ plü saurģ co vigni ater idiom y che al é y podarą ester tres deplü en lingaz punt danter les valades y danter i Ladins. Les parores de Heinrich Schmid s'ą averč: "Fin de chest laour fova chel de abiné n model de lingaz che posse vegnģ entenł te duta la Ladinia zenza messei vegnģ emparč aposta o enchinamei ensegné te scola", intenü saurģ vėgnel naota. Dilan al grup de laur.

Ti proscims dis metarunse ite le program plü detaié dl convėgn.


 
Liams emparentés
· Deplś sun l tema Ladin Standard
· Chier te noeles


L articul plu liet te chest tema Ladin Standard:
Dal latin al ladin: storia dla evoluzion dl lingaz ladin


Valutazion dl articul
Cumpeida mesana de oujes: 4.66
Oujes: 6


Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnś di comentars é l autour dl medem responsabel

Comentars anonims n'é nia ametus, preibel registredeves denant
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.405 seconc