benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

L codesc eletronich per produc (EPC) é bele dant porta
scrit ai 12 January 2004 da les 21:22:04 da noeles

Tecnica: computer, internet y e. i.

 

Revoluzion tl setour dla logistica

L codesc eletronich per produc (electronic product code) dess sostituì defata l codesc a risses tradizional - I chips nuefs pò ence vegnì emplantés te tiers y persones

(if) Produtours de hardware, impreises de logistica y destribuzion se enjigna ca per podei anuzé l codesc eletronich per produc (EPC). A desferenzia dl codesc a risses,  codesc UPC- y EAN (Universal Product Code, European Article Numbering System) pòn lieje i dac sun les etichetes RFID (radio frequency identification) zenza messei avei n contat diret. I dac vegn salvés sun n chip "EPC", dan la poscibelté de identifiché produc singui tres n numer serial. Propi encuei àn podù audì che dlongia la majera impreisa de comerz todescia, la Metro, ence la britanica Tesco y dantdaldut la franzeisa Carrefour vuel laoré adum con la Intel per introduje l plu debota poscibel chesta tecnologia nueva dl EPC. La Metro testeia bele da auril dl ann passé les mersces RFID sot condizions reales.  L codesc a risses veiden aldidancuei sun prest vigni produt tl comerz, al dess vegní sostituí con n numer serial.



Les mersces "RFID" à a paredl con codesc otics l vantaje che an  pò les lieje enchinamai tres la confezion dret debota. EPC é vegnù svilupé fin dant da puech sot l inom de  auto-id. Pro la organisazion EPC global se aspéten l'aprovazion dla spezificazion dl "EPC Tag Data"  1.0 ciamò entratant l prum cuartal de chest ann. La implementazion 96-bit EPC  darà spo l muet de assegné passa 68 miliards de numers seriai per i 16 milions de produc per 268 milions de produtours.

I "RFID-tags" tles formes y grandezes plu desvalives ne vegnirà nia demé anuzés tl enscì dominé "supply chain management", ma ai podarà ence vegnì adorés per identifiché feter vigni cossa y enchinamai animai. RFID-tags pò vegnì metus ite dretamenter per ejempl te produc desche ermes y zedoles y enchinamai vegnì emplantés  te tiers y persones.

Intel veid samben te n anuzament global dl EPC na gran chance per sia tecnologia baseda sun i prozessours 64-Bit-itanium: per l salvataje y la elaborazion dles gran cuantités de dac da scanscions RFID adoraràn servers dret aslums. Chest potenzial veid dlongia la SUN ence l IBM y la Microsoft. I defensours dles dates personales pesimeia defront  a la souravedlanza de duc i produc. L setour conesc chestes pesimes, an é bele tl chirì normatives, diretives che dae la poscibelté te tegnì ite les regoles legales dla segurté di dac y samben ence de giaté l'azetanza dla minonga publica. An vuel ence dé respostes sun les conseguenzes per la sanité dles raiazions a auta frecuenza de chisc enjigns.


 
Liams emparentés
· Deplú sun l tema Tecnica: computer, internet y e. i.
· Chier te noeles


L articul plu liet te chest tema Tecnica: computer, internet y e. i.:
N portal ladin nuef: ValBadia-online


Valutazion dl articul
Cumpeida mesana de oujes: 0
Oujes: 0

Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.353 seconc