benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Contribut a la USLA: Mussner resta dur, cie nen dij pa la Consulta?
scrit ai 30 December 2003 da les 08:31:58 da noeles

Politica

 

Mussner: "I é tout personalmenter la dezijion" 

Mussner vuel che les unions stime, zenza résteles a pan sut, la politica dl assessorat

Dant Nadel àn podù audì tla televijion ladina na intervista fata da la jornalista Grossi al assessour Florian Mussner persoura l'ativité preveduda dal program de coalizion dl Govern provinzial nuef. Mussner á responù rejonan de strutures per la scola, strutures da porté fosc ence tles valedes. N pice pensier a la cultura zenza lascé entene cie che al miena. Spo àl toché dantaldut sie ciamp spezifich: les stredes. Na picera parola persoura l debujegn de na soluzion dl problem dl trafich su per i joufs. Nience na parola per cie che reverda l gran tema aziché da Durnwalder: l coliament con les autres regions ladines, la "Vernetzung", l tiesce la teila de liams con les autres valedes y raions ladins.



A la seconda domanda dla Grossi, revardenta la polemica sauteda fora con La Union Scritours Ladins Agacins (USLA) per gauja dl contribut nia paié fora, sceben aprové da la Consulta Culturala ladina, á Mussner responù leterarmenter enscì:
"Personalmenter éi tout la dezijion de nia paié fora l contribut. Al é sté l'unica lia che ne n'á nia giaté n contribut. Y perchel volessi dì che l mantegnaré ence tl davegnì. I ne veide nia ite dret che persones posse se ascone do a sigles y dì te na tel maniera ju de na persona sciche la mia con robes che n'é nia sovenz dessegur nia veires y con critiches ence nia fundedes. I son gen a desposizion a rejoné con ei, ma dessegur ne firmaréi nia chest contribut."
Altamo sàn sen clermenter che la cossa é a livel personal. La cultura ne n'á chilò nia da nen fé, ence sce al é dantaldut la cultura ledia, chela descomota, che vegn ciastieda. Perchel sonse dant na dezijion motiveda da emozions personales, che fej de vigni erba n ancei da brujé. Le sit "Noeles.net" á apeina n ann de vita y stuep n'ál mescedé su truep, souraldut tres l forum, ence sce ultimamenter, do na senteda interna dla redazion de Noeles, truep se à mudé. L forum "Stol" todesch é dessegur piour, ma chilò n'á Mussner nia da dì, el vuel demé che i ladins stime, sce no restéi a pan sut.

 
Liams emparentés
· Deplú sun l tema Politica
· Chier te noeles


L articul plu liet te chest tema Politica:
Südtirol: Karte mit historisch gewachsenen Namen


Valutazion dl articul
Cumpeida mesana de oujes: 0
Oujes: 0

Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant

Re: Contribut a la USLA: Mussner resta dur, cie nen dij pa la Consulta? (ponc: 1)
da travers ai 30 December 2003 da les 13:05:42
(Infos sun l utilisadour | Ti mané n messaje privat)
Puere bera Mussner, chi rie agacins te à ofenù refudan tia politica "ladina". De tel cosses ne pòn ben nia azeté; te as ben rejon a i castié ciuldì che rejoné mal de n om de politica é -poester - normal tl rest dl mond ma bei uns in Südtirol él n picé de lesa maestà. Nuzé i scioldi reservés a la cultura ladina per castié chi criticheia é n fat che fej onour al raprejentant istituzional dla cultura ladina. Magari meritàssel per chest l priesc Nobel.


News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.417 seconc