La streda dla Val Badia daverta enfin auril
Entratant la sajon da d'invern él da encuei, juebia ai 18 de dezember, la streda endò daverta.
L’ordinanza de daurida dla streda dla Val Badia al transiament di auti vel enchin ai 13 de auril 2004. I laours pro i tuniei é jus inant, ence sce peigher. Sun cinch tuniei é cater ciavés tres, ma nia ciamò ruvés. Per l viadut nuef de 431 m àn enjigné 8 pilastri, da d'aisciuda vegnirà la streda spo sposteda. Al moment végnel laoré per seguré l trat. La pruma pert dla streda é enjigneda provisoricamenter per l invern.
L secont, l cuart y l cuint tunel é ciavés tres y ai vegn atualmenter refinis. Pro l terz tunel màncel demé plu 20 metri, ma per via dl crep particolar rùven demé ert inant. Anter l terz y l cuart tunel végnel fat i laours de sigurament dl terac per stravardè dal pericul che al tome ju peres y pedrons sun la streda.
