benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Mussner fej desche el fossa la Consulta a la Cultura Ladina
scrit ai 15 December 2003 da les 15:10:10 da noeles

Politica

 

L "njet" sterch dl assessour dl peton

Degun contribut a la Union Scritours Ladins Agacins - L spirit de vendeta dl assessour Florian Mussner é gran

Propi en curt "Rache ist suess" végnel dit, ma la vendeta à gracé. Chesta la spligazion plu clera y segura dla dezijion touta dal assessour ai laours publics, Florian Mussner, de ne ti dé nia a la Union Scritours Ladins Agacins l contribut finanziar anual, perauter bele conzedù da la Consulta Culturala. Na sodesfazion megra: scioldi touc al jornalism ladin per i scinché ai amisc de partì.



Te Gherdeina fej festa la Regula Ladina y se congratuleia con Mussner. Deguna marevueia. Tles autres pertes, touc fora 4 cefs fanatics dl partì, ti sàla nia da creie. L laour dla Union Scritours Ladins é dant ai uedli: tl proscim fauré complesc sia ativité jornalistica 25 agn, n chert de secul. N grumon i problems tochés, per l prum iade tla storia él ruvé l lingaz ladin ti foliec da vigni di. L ladin é vegnù azeté tla "Dolomiten" per merit y festidesc de chesta redazion. Al é fauz cie che Lois Mahlknecht à scrit, bonamenter melinformé: "10 lange Jahre blieb die Ladinia in den bewaehrten Haenden ihres Schoepfers und Ideators: Bepe Richebuono" La storia é ben autramenter: testemone l atual parlamentar Oskar Peterlini che à daidé i responsabli de chesta redazion a giaté l'autorisazion dal vedl Toni Ebner. Sies articui àn messù dé ju dantfora per avei l "sci". La resposta ne n'é empò nia vegnuda, davia che Toni fova entratant mort. Con Rampold é spo pieda via la cossa. Per dì duta la cossa: canche nosta redazion ova "prié" Bepe Richebuono de scrive n articul per retifiché les paroles de Mahlknecht ne se àl nia enfidé. Canche al é sté tla redazion "Da la Ladinia" l passaje da Richebuono a Mahlknecht fòvel prejenta ence nosta redazion a la dezijion.

I prums problems tochés da chesta plata é stés chi sun i maestri y professours ladins che ne podova enlaouta nia ensigné tles scoles todesces. La redazion à publiché plu tert, davia che i interessés ne i ova nia lascé pro denant, documenc olache al é scrit cler "ausgeschlossen weil Ladiner". La Comunanza Ladina a Bulsan é frut de chesta redazion. An ne dess nia desmentié la vera per la RAI - Ladina. Corrazola, diretour dla RAI, se à sperdù plu iadesc. Chesta plata à fat conesce l mond rumanc ai Ladins dles Dolomites. La Union Scritours per pruma à envié l jornalist todesch-rumanc Werner Catrina a tegnì na conferenza a Bulsan. Tres sun envit dla Union Scritours Ladins Agacins él vegnù adalerch Bernhard Cathomas, secreter dla Lia Rumantscha. Sies paroles persoura les condizions per mantegnì l lingaz de na mendranza pòn lieje dutaorela tla mostra sun l Istitut Micurà de Rü ... I ne volon nia bravé inant. Na ultima cossa: la novité dl Ladin Dolomitan vegn fata conesce tres l sit www.noeles.net, da argoment de discuscion devéntel enscì realté. An sa sen cie che al é y an pò l mioré. L sit é na ativité di joegn y al é dret i lascé laoré, ma i joegn é joegn y ai se lascia dì puech, ence sce l miorament é empò bele valgamia. An é tl organisé miec. L spirit de vendeta dl assessour Mussner é gran. Per nia ne féjel plu gen l assessour dl peton che chel dla cultura. Puera cultura ladina: "Ala é propi te de pueres mans!". La populazion à volù enscì.



 
Liams emparentés
· Deplú sun l tema Politica
· Chier te noeles


L articul plu liet te chest tema Politica:
Südtirol: Karte mit historisch gewachsenen Namen


Valutazion dl articul
Cumpeida mesana de oujes: 5
Oujes: 4


Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant

Re: Mussner fej desche el fossa la Consulta a la Cultura Ladina (ponc: 1)
da giatfosch ai 15 December 2003 da les 21:46:02
(Infos sun l utilisadour | Ti mané n messaje privat)
bela caricatöra. bela, tocada. Insciö éra.



Re: Mussner fej desche el fossa la Consulta a la Cultura Ladina (ponc: 1)
da giatfosch ai 15 December 2003 da les 16:36:31
(Infos sun l utilisadour | Ti mané n messaje privat)
l dogma: finanziamenc mâ a chi che é dl partì y se cüfa! Recat tres scioldi publics. Spirit intolerant, antidemocratich. Chestes notizies conescion normalmenter da cer' stac ...




Re: Mussner fej desche el fossa la Consulta a la Cultura Ladina (ponc: 1)
da Dolasila ai 15 December 2003 da les 22:56:35
(Infos sun l utilisadour | Ti mané n messaje privat)
ciara mader; dô les lites àl dit di critics ch'an dess i dé l'ocajiun da fà; segn fejel, mo co. al n'é begn denant sté che á dit lascedem fà spo mostri y á spo fat de mal.



Re: Mussner fej desche el fossa la Consulta a la Cultura Ladina (ponc: 1)
da travers ai 15 December 2003 da les 23:07:17
(Infos sun l utilisadour | Ti mané n messaje privat)
Bera Mussner miena de tichiné i Agacins ti tolan 5000 EUR ma al se sputanëia mâ ël instës; tan "kleinlich" ne ciamò stà degügn danter i ladins.


News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.372 seconc