benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Endoneda generala di studafuesc de Fascia
scrit ai 14 December 2003 da les 09:57:23 da noeles

Sozieté

 

Onoranzes ai volontadifs pro i studafuesc en S. Berbora

I corps di studafuesc é jus a daidé tla Val d'Aosta do les agajons de chest isté

(c.g.) Ence i studafuesc de Moena tl distret de Fascia? A auzé fora chest augure él sté l conseier provinzial Luigi Chiocchetti en ocajion dla festa de S.Berbora steda a Ciampedel. Desche an sà l distret ladin trentin, desche l decanat, tol ite l teritore storich dla Val de Fascia, da Soraga enfin ta Penia. Do la messa zelebreda da siour Luigi Trottner che tla perdica à enluminé i valours spirituai y umans di studafuesc te n mond che à tres debujegn de ciarité y de fradaia, se ài tramudé tl teater per la tradizionala radunanza. Ombolc, President dl Comprenjorie Ladin, Presidenc dles Frazions se à strent entourn ai studafuesc, 155 operatifs y 45 arlefs partis fora te 6 grups comunai, per palesé a inom dla comunanza afet y reconescenza . L ispetour di studafuesc de Fascia Rinaldo Debertol.



La relazion dl ispetour Rinaldo Debertol à metù al luster l’ativité che semper demanco reverda l meldefuech per porté depierpul tres deplù te d'autri caji socursc: azidenc sun strada, socurs ti bosc y sa mont a chirì jent y enscì inant. Te Fascia ne él sté chest ann nia de gragn danns per gauja dles agajons, ma an à empò messù fé intervenc y tegnì i studafuesc dagnora sun l’averda per i temporai che deventa semper piours. Debertol à recordé i cursc de ajornament che permet de mioré enseghit l livel profescional di volontadifs, la dotazion semper mioura de massaries, strumenc y machines y, nia enultima, la sauridanza che viadedò él n bon grop de joegn che vegn do. Al se à auguré la novelazion dla lege provinziala vedla oramai de 50 agn. Per les autorités à rejoné l ombolt de Ciampedel Leonardo Bernard che à fat i onours de ciasa, l President del C11 y Luigi Chiocchetti conseier provinzial. Per la Federazion à Sergio Cappelleti recordé les polemiches dl 2002 sun les speises per les machines: "investiment che i fajesse amò, àl dit, entratant che la Provinzia enjigna na normativa nueva per mete miec al luster l rodul di studafuesc." Enultima él vegnù sourandé i atestac a chi che à tout pert a les operazions de socurs tla Val de Aosta en ocajion dles agajons dl 2000 y ai studafuesc per i agn de sorvisc. La "Fiamma d’Oro", pest spezial dla Federazion de Trent ti é vegnuda sourandeda a Corrado Riz de Ciampedel per i 40 agn de laour.


 
Liams emparentés
· Deplú sun l tema Sozieté
· Chier te noeles


L articul plu liet te chest tema Sozieté:
Na autra prejenza sun internet


Valutazion dl articul
Cumpeida mesana de oujes: 0
Oujes: 0

Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.355 seconc