Edema de films de autour a La Ila
Al vegnirà prejenté entourn 40 films d'autour per promueve chest jender de films
La industria da films fajarà en autra outa n'edema "blancia" tl'Alta Badia y plu avisa tla nueva Ciasa polifunzionala de La Ila. Entratant l'edema dai 26 de fauré ai 2 de merz él vedù dantfora la proiezion de entourn 40 films che é vegnus prejentés en l ann passé en gaujion dla 60eisema Mostra dl Lido tla sezion Contracorent, Teritors Nuefs, Films Curc y dl Milano Film Festival. Per promueve l film d'autour vegniràl ence prejenté zacotanc de films conescius de rejissours de renom desche Stanley Kubrick, Jean-Luc Godard, Federico Fellini, David Lynch, Lars von Trier, Akido Kurosawa.
Al é ence vedù dantfora valgunes seires con films per mutons sot ai 12 agn. Dessegur na bona poscibelté per la jent dla Val Badia y dles valedes vejines de vedei cie che al suzed sun chest ciamp tl mond.
