benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Legia litala y cherdada dl assessur
scrit ai 03 December 2002 da les 20:42:56 da noeles

Politica

 

Willeit: "Na touta de posizion plena de fauzités"

Le renuzia al recurs contra la cherdeda de n assessour ne se à nia paié fora

Les tutes de posiziun dl vize-SVP Pepi Dejaco in l'ultima edema à fat lovè sö bindebò de reaziuns indignades, nia ma da pert di esponënc dla Lista LADINS. Dan da n'edema à tut posiziun le presidënt Dr. Giovanni Mischì, valutan la posiziun de Dejaco "de en livel bas".  Le vize-presidënt dl Consëi  y rapresentant ladin tl consëi dr. Willeit Carlo valutëia cinamai la poscibilité de na plöra por defamaziun, deache la tuta de posiziun é "plëna de falsitês" y ma finalisada a "descredité". Willeit ti tira ince les orëdles ai responsabli dla USC di Ladins che à lascè passé tres na te' lëtra, aladô de ël na desmostraziun dla "deblëza" di media ladins.



Ala basa dl disput sta la lege litala che la SVP à orü fà passè deboriada cun sü partners, danter chisc i Vërc, ala fin de otober 2002, mo che à incunté na oposiziun podora dapert di Ladins, mo ince de d'atri mëindri partis. La lista à manacè de jì dan dala Curt Costituzionala impara sciöche dl 1998, sce al foss gnü metü ite le "Ladinerpassus", orü dala SVP ladina, che ess comprometü dassënn la poscibilité de espresciun democratica dapert di ladins. Ala fin l'à la SVP dada sö.

Le curs de "colauraziun" che la lista LADINS y Willeit â instradè cun ne fà nia recurs cuntra la cherdada da foradecà de en assessur ladin dapert dla maioranza SVP ne s'à  daldöt nia paiè fora, no pro la lege litala, no pro la nomina dl assessur cherdè. La porsona che é gnüda inciariada sciöche assessur é stada deplëgn na dezijiun dla SVP, la lista LADINS ne à albü nët nia da dì y ne é nia gnüda consultada, scebëgn che ara rapresentëia na buna pert dl eletorat ladin y le su aconsiadù tl Consëi Provinzial. Chësta é stada na desmostraziun tlera che an chir vigni ocajiun da pestè sot y stlüje fora en partì autonom ladin, a dann dl dërt de lita di ladins.


 
Liams emparentés
· Deplú sun l tema Politica
· Chier te noeles


L articul plu liet te chest tema Politica:
Südtirol: Karte mit historisch gewachsenen Namen


Valutazion dl articul
Cumpeida mesana de oujes: 4.5
Oujes: 4


Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant

Re: Legia litala y cherdada dl assessur (ponc: 1)
da giatfosch (badiot@hotmail.com) ai 03 December 2002 da les 22:38:13
(Infos sun l utilisadour | Ti mané n messaje privat)
a sce, chel begn, a chel begn: la USC sce é tan stleta ormai! Düt ci che le partì i met dant, tolai ite sciöche al foss papa y mandorlati! l cunvegn a Balsan, pur la USC na bela cossa, mo n'ái capì nia chisc "redadus"?? l partí che à arforé jö düt cant, ince les rajuns por la USC (!), baia dles rajuns di ladins che mancia, y la Usc fej gran aplaus. la USC aplaudeia a chi che i ciaa la fossa ala USC. furbi ési, dassenn furbi! eli eli lema sabahtama?!



Re: Legia litala y cherdada dl assessur (ponc: 1)
da giatfosch (badiot@hotmail.com) ai 03 December 2002 da les 22:48:23
(Infos sun l utilisadour | Ti mané n messaje privat)
"Segn messi presc ince iö di ti dè rajun a chel che à scrit le messaje dessura porsura la Usc.... canche Durnwalder stlopeta n alc (mo nia ma) el laite cun gran gran fotografia, canche le rapresentant ladin dij valch, degoena fotografia y le scrit vegn metü te n piz invalgò."

sce, la USC leura zenza ciorvel ormai. Willeit y i Ladins vegn metüs te n piz, düt ci che à da fà cun chi che comana ven metü gran y con fotografia!

da s dudè, che chel medium che é gnü fat cun l volontariat de jent impegnada pur i ladins met segn ite chi che é dagnera jüs cuntra i ladins.
da s dudè

arata l min fosch



News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.390 seconc