benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Joegn Rumanc en vijita tles valedes ladines
scrit ai 06 November 2002 da les 11:56:30 da noeles

Scola

 

40 joegn rumanc en vijita tla Ladinia

Does classes dla scola ciantonala de Coira - n iade istrutif y plajoul

En lönesc domisdé è jü a fin en iade de istruziun tles Dolomites de döes tlasses dla scora ciantunala a Coira. Ai bun 40 jogn y jones dal ciantun dai Grijuns i él tai trëi dis gnü pité referac sön i ladins dles Dolomites y süa scora, en curs de ladin gherdëna y lapró ince l’aplicaziun pratica dl lingaz; in domënia ài fat n‘escursciun tles valades ladines, na Sela-Ronda che à dër plajü ince por mirit dl bel tëmp soredlé.



In lönesc (28.10) à i scolars dla scora ciantunala vijité la scora d’ert a Urtijei y Selva. I scolars n’á nia ma ciaré, al n’é nia mâ gnü splighé. I scolars à ince instësc proé fora te disciplines dl ert che éi n’à tanco nia te söa scora, co i corespogn a n lizeum tlo da nos. A acompagné le grup da pert dai ladins dles Dolomites él sté Theodor Rifesser, diretur dal Istitut Pedagogich Ladin. Le barat é d’ütl, odü che i Rumanc sa manco dai Ladins dles Dolomites co chisc dai Rumanc. I media, mo ince les scores porta tai Grijuns manco informaziuns sön les atres comunitês ladines, chëra dles Dolomites y dal Friul, co por ejëmpl i media y les scores ladines dles Dolmites sön i Grijuns. Rodunt chësta mancianza ôn comedé cun chësta vijita. I scolars dla scora vëgn da na seziun bilinguala dla scora; l'insegnamënt é parzialmënter ince por ladin, ince materies aldefora dl'istruziun linguistica vëgn insegnades por ladin, nia te na manira ideala, deache le ladin à na lerch limitada: Tratan che Werner Carigiet conësc bele la Ladinia, è la vijita de istruziun stada por i studënc la pröma esperiënza tles Dolomites, le pröm iade che ai é gnüs a contat con la cultura ladina y cun la jënt ladina dles Dolomites. Le contat por se conësce danter comunitês de lingaz ladines dess jì inant a livel de scora, chësc prospetëia Theodor Rifesser; ince ël fej en bilanz positif dal iade de istruziun, che à odü i scolars grijuns dër interessês a nosta realté ladina che ai ne conesciô nia ciamo'.

 
Liams emparentés
· Deplú sun l tema Scola
· Chier te noeles


L articul plu liet te chest tema Scola:
Les graduatories per la scola ladina tla provinzia de Bulsan


Valutazion dl articul
Cumpeida mesana de oujes: 4
Oujes: 1


Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.365 seconc