benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

En lunesc prejentazion de LETRES TE N FOL
scrit ai 29 November 2003 da les 20:08:40 da noeles

Cultura

 

Prejentazion de "Letres te n fol" de Rut Bernardi

En gaujion dla prejentazion di laours dl SPELL, ai 1 de dezember 2003, da les 20.00 tl Josefsaal dla Ciasa Kolpin a Bulsan - Na cercia da lieje dantfora, capitul 7: Canche ruva San Miculau

"Co podessi pa ves fé sentì almanco n fruz dla tema che sentive entant chela seira? Chela mia tema fova na tema che ne se lascia nia splighé con paroles. Al fova desche fermé l fle o destudé na lum. Tres dut l corp foròvela desche odles y n ciaut ovi ados, desche fuech ..." da lieje inant al intern.

Chisc dis jirà na autra publicazion a d'arichì la biblioteca ladina. Al é vegnù fora l liber en prosa per ladin dolomitan "Letres te n fol" de Rut Bernardi, perauter da giaté bele tla verscion gherdeina. Al vegnirà prejenté en lunesc a Bulsan, da les 8 da seira, tl Kolpinghaus tl cheder dla prejentazion di laours linguistics dl Spell te chisc ultims 10 agn. La seira vegn metuda a jì da la Comunanza Ladina a Bulsan. 



 

"Co podessi pa ves fé sentì almanco n fruz dla tema che sentive entant chela seira? Chela mia tema fova na tema che ne se lascia nia splighé con paroles. Al fova desche fermé l fle o destudé na lum. Tres dut l corp foròvela desche odles y n ciaut ovi ados, desche fuech. Zitrove soura dut l corp. Purempò volessi prové de ves depenje n cheder de mia tema con vostes paroles: "La fuera dles ciampanes. La fuera dles ciadeines. For plu davejin. For plu adaut. La porta se deura. L prum malan, ciamò un y ciamò un. La stua é plena de malans. Dut n busiament de malans. Ai sauta via y ca y su y ju. Les peles de tiers: fosces, rosses, da tortli, dal peil lonch. L fosch, dut é fosch y scur. Y la fuera, for endò chela fuera che stropa les oredles. I brac desnuc, lujenc, sotii, lonc. Les mans fosces che fufelneia, che palpa, che ruva for plu davejin. Veide dut fosch dant mi uedli. I deic sun mi mus, sun mies masseles. Scluje i uedli y sente l ciaut ontic sun mia pel. La lorfa, l mus, l infern. Fuech che vegn da la bocia fora. Chi denz lonc y dut encrousc. I uedli lumineia desche fuesc y me ciala. I corni de n manz. Ai fora l'aria. Ai fora tres mi cervel. Ai fora tres mi corp. L mus deventa tres majer y majer. Veide dut l infern dant me. L fuech me bruja. Dut cuecen. Dut fosch. Dut scur. Ne veide plu nia, ne aude plu nia, ne sente plu nia. Son arsida tl vuet, tl nia, tl chiet, te n fol. Me desceide y la stua é vueta."
_________

"Wie könnte ich euch wenigstens ein bisschen von jener Angst, die ich an jenem Abend hatte, spüren lassen? Es war eine Angst, die man in Worte nicht fassen kann. Sie war wie Atemnot oder Lichtlöschen. Sie stach wie Nadeln am
ganzen Körper und ich verspürte eine Hitze, wie Feuer. Ich zitterte am ganzen Körper. Trotzdem möchte ich versuchen, mit euren Wörtern, ein Bild jener Angst zu malen: "Der Lärm der Glocken. Der Lärm der Ketten. Immer näher. Immer lauter. Die Tür öffnet sich. Der erste Krampus, noch einer und noch einer. Die Stube ist voller Krampusse. Ein Gewimmel von Krampussen. Sie springen hin und her und auf und ab. Tierfelle: schwarze, braune, gelockte, langhaarige. Die Schwärze, alles ist schwarz und dunkel. Und der Lärm, immer wieder dieser ohrenbetäubende Lärm. Die nackten, glänzenden, dünnen und langen Arme. Die tastenden, fingernden Hände, die immer näher kommen. Vor meinen Augen ist alles schwarz. Die Finger auf meinem Gesicht, auf meinen Wangen. Ich schließe die Augen und spüre die ölige Wärme auf meiner Haut. Die Maske, die Fratze, die Hölle. Feuer sprüht aus dem Mund. Diese langen, krummen Zähne. Die Augen leuchten wie Feuerchen und sehen mich an. Stierhörner: sie durchbohren die Luft. Sie wühlen in meinem Hirn. Sie wühlen in meinem Körper. Das Gesicht wird größer und größer. Ich sehe die ganze Hölle vor mir. Ich verbrenne im Feuer. Alles rot. Alles schwarz. Alles dunkel. Ich sehe nichts mehr, ich höre nichts mehr, ich fühle nichts mehr. Ich versinke ins Leere, ins Nichts, in die Stille, in den Abgrund eines stockfinsteren Sacks. Ich erwache und die Stube ist leer."


 
Liams emparentés
· Deplú sun l tema Cultura
· Chier te noeles


L articul plu liet te chest tema Cultura:
Sotescrivede l Manifest LADINIA 2005!


Valutazion dl articul
Cumpeida mesana de oujes: 0
Oujes: 0

Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.403 seconc