Galsan Tshinag .... "da la tera dal vent cruede"

Premié con l pest leterar todesch "Adalbert von Chamisso" - Na iniziativa metuda a jì da la Eurac

Al é vegnù descrit desche l sciaman dla leteratura todescia d'aldidancuei: Galsan Tshinag, autour de libri desche "L ciel brum", "La carovana", "Vintun dis", te chi che al fej revive a si letours la vita da nomadesc, da fameis tuvins tles largures dles stepes dla Mongolia. Con n stil da conté scempl y dret intensif fej Tshinag sovegnì i luesc dalonc de sia fantuleza, olà che la vita é vigni dì n combat, te na natura y te na sozieté romagnuda unfat per centenés. En l'edema che vegn liejel dant ence te Südtirol.

Do i prums agn de stude tla capitala mongola de Ulan Bator, à Tshinag studié germanistica, se spezialisan ti agn '60 tla université de Leipzig. Chesta é la rejon che al à scrit sies conties per todesch che é en pert ence vegnudes traponudes tl talian da la ciasa editoura Aer Edizioni de Bulsan. Dl 1992 àl giaté l pest leterar Adalbert von Chamisso. Dl 1995 àl organisé n viade de arciaseda tla region dles montes Altai tla Mongolia a cef de na carovana de souravivus de sia tribù tuvina. Galsan Tshinag viv encuei a Ulan Bator.

Ai 3 de dezember  (mercui) liejaràl dant dales 20,00  tla Eurac a Bulsan, promotoura adum con la Biblioteca da Meran, de chesta enconteda con l scritour mongol. Al liejarà dant fora de sie liber "La tera dai venc cruedesc". Il dì do, juebia ai 4 de dezember, da les 20.00, liejaràl spo dant tla Biblioteca da Maran, Via delle Corse, 1.