benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Copa dl Mond sun la Saslonch y la Gran Risa
scrit ai 27 November 2003 da les 07:59:10 da noeles

Aministrazion

 

L reclam per la Copa dl Mond se làscen costé valch

N bel smaz de 150.000 euros da pert dla Provinzia ai comités organisadours tl'Alta Badia y te Gherdeina a rete con reclam per l logo "Südtirol" - Dai 19 ai 21 de dezember "Gara de Copa dl Mond"

La Provinzia sponsoriseia les trei garejedes de Copa dl Mond che vegnirà tegnudes te Gherdeina y tla Alta Badia ti dis dai 19 ai 21 de dezember con za. 150.000 euros. Ala dà i mesi finanziars, ma ala vuel samben a rete che l logo "Südtirol" figureie dlonch. Kristian Ghedina entratant na garejeda sun la Saslonch.



Pro les garejedes fajarà la Provinzia reclam per l logo  "Südtirol", sport sun la neif. "La gran cumpeida de jent che ti ciala a les garejedes en direta tla televijion é na garanzia per n bon reclam a la Provinzia y a si produc", enscì l assessour Frick. L inom "Südtirol" vegnirà integré dlonch ence ti logos: "Gröden-Südtirol" y "Alta Badia-Südtirol". Al sarà da vedei sun les numeres di atlec. Sibe sun la ciasota dl start che sun l areal dl travert, sun les sieves dl portoi che sun les portes de garejeda y tles lueges dezijives dl portoi vegniràl metù la scrita de "Südtirol". Ence sun dut l material stampé, sun i placac, sun les scrites de reclam y sun i pareis per les intervistes saràl da vedei l logo de "Südtirol".  Sun les plates te internet di doi comités organisadours de Copa dl Mond messaràl en plu vegnì metù n liam te na bona posizion a les plates ofiziales de promozion turistica dla Provinzia, vuel dì www.suedtirol.info. (osp). La pista Saslonch giata neif artifiziala, ence chest outa messará i canons daidé do.

 
Liams emparentés
· Deplú sun l tema Aministrazion
· Chier te noeles


L articul plu liet te chest tema Aministrazion:
Dal Ofize chestions linguistiches: does verscions ladines dl Statut de autonomia


Valutazion dl articul
Cumpeida mesana de oujes: 0
Oujes: 0

Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.408 seconc