I films "regorarà" tost tres internet
I studios de Hollywood vuel mete man con vene i films da des-ciarié tres internet
(if) Al plu tert dal 2005 inant dess i americans ofizialmenter podei des-ciarié da internet i films plu nuefs sun si computers per i cialé a ciasa. Chest él vegnù declaré da pert de Jack Valenti, president dla Motion Pictures Association of America (MPAA), la majera union de produtours de films da entrategniment american. Hollywood vuel enfinamai sporje films che fova ciamò dant da puech ti chinos y ne é nia ciamò da avei sun DVD. N svilup che fej sté enré i videotecars, dal moment che al vegn enscì rot la ciadeina tradizionala de destribuzion.
Les stars "steiles" de Hollywood tost da des-ciarié ju da internet.
Samben se rend ence la MPAA cont dl gran rise lié a chesta comerzialisazion, dantaldut per rejons de segureza per cie che reverda i sistems de paiament y de des-ciariament. Fin al 2005 arà Hollywood de segur n tel sistem de protezion, dij Valenti. A realisé l sistem de manejament digital on-line él bele vegnù cherdé a daidé pera la Microsoft y la Hewlett&Packard. Valenti à sclarì che te chest moment ne planificheia i studios de Hollywood nia ciamò, desche l'industria dla mujiga fej bele, co combate la pirateria dl software.
Bonameter se aspeta l president dla MPAA ence l sostegn dla politica. Te na intervista àl envié àl sostegnì l atour hollywoodian Arnold Schwarzenegger
