Servisc ai Joegn va on-line

Servisc ai Joegn Val Badia te n guant plajoul - Al fossa ora che duc i sitesc ladins internet giatassa na luegia che cuei adum duc i liams

Te chisc ultims temps végnel a lum d'en gre via sitesc internet tl lingaz ladin. N auter ju on-line eniann é l sit dl "Servisc ai Joegn Val Badia", scempl y scialdi plajoul tl design con valgugn ziracui simpatics y gifs animés. L sit é dutaorela ciamò en costruzion. Al reporta les manifestazions metudes a jì dal Servisc tla Val Badia, curtes reportajes dles manifestazions, n pensier dl'edema, na galeria de fotografies di grups y n forum che mess endere ciamò vegnì traponù tl ladin. L sit é vegnù metù adum dal grafich da Lungiarü Mario Clara/firma Madem che manejeia ence l sit turistich ladinia.it. Silke Irsara de Badia é referenta tl Servisc ai Joegn da november 1996.

"Nost sit www.jogn.it é ciamò tl gnì laoré fora y perchel ne él nia ciamò gnù prejentè al publich. Sen él ence l dret moment da considré les propostes y les ghiranzes per na plata di jogn dla Val Badia, perchel odonse de bon uedl vigni comentar", dij Silke Irsara, colaboradoura dl Servisc ai Joegn.

Liam al sit dl Servisc ai Joegn: www.jogn.it