I ponjins, genitours ladins vuel fé matié si mutons
La iniziativa é pieda via da la Comunanza ladina: mutons ladins jia deberieda
Na iniziativa aprijoula peia via chisc dis a Bulsan per interessament dla Comunanza Ladina clameda "I Punjins". Genitours ladins che vuel se encunté cun d'autri y che si mutons ae ence la poscibilté de rajoné ladin se anconta per l prum iade en sabeda, ai 7 de dezember, da les 10.00 a les 12.00 tl Elki Eltern-Kind-Zentrum tla streda Rauschertorgasse, 10 tl zenter a Bulsan. Al vegn lascé jughé i mutons deberieda. I gragn po ciacolé, beive cafè o te y datrai vegniràl cianté duc deberieda, genitours, mutons y tosates. La seconda encunteda é oduda dantfora ai 21 de dezember y spo regolarmenter da jené inant. I enteressés dessa tò su contat pro Mathias Stuflesser 0471 971005 o pro la Comunanza 0471 286103.
I ladins a Bulsan viv sternus fora inanter la populazion y in plu spidicés por idioms. La ultima cumpeida dla jent à desmostré en descresciment sostanzial de ladins declarés, da 730 tl 1991 esen passés a puech deplu de 600 tl 2001. La gauja é dessegur da chirì tl puech respet che la cité capitala i pita ai ladins, tla prescion de assimilaziun grana. Bon garaté a l'iniziativa.
