benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Economia: la reforma tl comerz y tl turism
scrit ai 15 November 2003 da les 07:38:10 da noeles

Economia

 

La reforma tl ciamp comerzial y turistich porta noveles

Werner Frick: "I temps de daurida y de scluta di locai te localités turistiches podarà vegnì manejés plu elasticamenter"

En juebia, ai 13 de november 2003, a Roma à i assessours per l comerz y turism de dutes les regions y provinzies dla Talia rejoné deberieda dla reforma tl ciamp turistich y comerzial. I interesc de Südtirol é vegnus raprejentés dal assessour per l’economia Werner Frick. An à rejoné coche an pò se mueve con la reforma da sen inant, respetan i lims de lege. A una ésen stés de se paré contra les interferenzes da pert di ministers de Roma.


Do che la lege de reforma tl comerz y turism ti à sourandé ultimamenter les competenzes a les regions, à i raprejentanc fat fora de se paré contra ordinanzes y zirculares tles competenzes sourandedes che ruva empò ciamò adalerch da pert dl Stat . "Sun chest pont él sté poscibel arjonje n consens con i assessours di partis de zenter-mandreta" spliga l assessour Frick. La reforma dles normes talianes tl ciamp turistich é sté n auter pont de discuscion a Roma. La mesité de dutes la regions à l medem temp a desposizion per mete en doura les normes desche Südtirol. Per laoré fora la lege regionala él sté dret frutoul l bon engiame de informazions y les concordanzes arjontes anter les regions, spliga Werner Frick. Noveles plu sonstaziales dla reforma reverda les sortes desferentes de firmes che tegn cont dl consum "turistich" che se à tramudé. N'autra novela sarà ence i temps de daurida tl ciamp turistich che dess deventé plu elastics en cont de daurì y scluje i locai. (osp)

 
Liams emparentés
· Deplú sun l tema Economia
· Chier te noeles


L articul plu liet te chest tema Economia:
Economia: Stude da comerzialist Verginer


Valutazion dl articul
Cumpeida mesana de oujes: 0
Oujes: 0

Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.389 seconc