benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Svp ladina encuei da Durnwalder
scrit ai 14 November 2003 da les 19:36:00 da noeles

Politica

 

An vuel per Mussner na enciaria da assessour ence tla jonta regionala

I raprejentanc politics Svp se à damané almanco does encontedes al ann con Durnwalder

Raprejentanc politics dla Svp dles valedes ladines con a cef l assessour en ciaria, Florian Mussner, se à enconté encuei dantmesdì con l President dla Provinzia Durnwalder. Na atmosfera luecra, muses rientes, do l bon resultat lital che ti  à spraizé dassen les sciables te chesta fasa de tratatives per la formazion dl Govern y per damané ence valch deplù. Da pert di raprejentanc ladins él vegnù porté dant cie che an se embincia per la proscima legislatura, danter auter él vegnù damané che l assessour Mussner giate ence te Consei regional n assessorat desche raprejentant ladin.



"Florian Mussner dess resté inant assessour ai laours publics", s'à damané i ombolc y i raprejentanc politics Svp de Gherdeina y dla Val Badia. En plu déssel ence giaté lerch tla jonta regionala desche raprejentant ladin. Deberieda con Durnwalder él ence vegnù rejoné de fé finalmenter a na maniera per che n ladin posse sourantò la enciaria da vizepresident dl Govern Provinzial. I raprejentanc dles valedes ladines à spo porté dant la situazion tles does valedes, dantaldut olà che an se aoda na sburla finanziara da pert dla provinzia: dai problems dl moviment sun les stredes a chestions culturales, da la scola a chestions ambientales. Per podei ti jì permez a chisc y ence a d'autri problems se embìncen de avei almanco does encontedes al ann con l President dla Provinzia y l assessour ladin. L President Durnwalder à empermetù de volei fé chestes encontedes. (font.:osp).

 
Liams emparentés
· Deplú sun l tema Politica
· Chier te noeles


L articul plu liet te chest tema Politica:
Südtirol: Karte mit historisch gewachsenen Namen


Valutazion dl articul
Cumpeida mesana de oujes: 0
Oujes: 0

Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant

Re: Svp ladina encuei da Durnwalder (ponc: 1)
da travers ai 14 November 2003 da les 20:23:48
(Infos sun l utilisadour | Ti mané n messaje privat)
Se contënta la SVP l"ladina" ma plö de dües incontades al ann? Dant dales lites podôn odëi Durnwalder feter n iade al'edema ite por les valades ladines a taié vëtes, sambëgn in compagnia cun Mussner. Ol dì chësc che por cinch agn ne saràl plö degünes vëtes da taié po i ladins?



Re: Svp ladina encuei da Durnwalder (ponc: 1)
da Dolasila ai 14 November 2003 da les 22:52:20
(Infos sun l utilisadour | Ti mané n messaje privat)
ah, cinamai tla regiun, che la svp n'ô nia, mo i scioldi dla regiun begn; por che Mussner pois lauré cuntra la cultura ladina ince a livel regional.



Re: Svp ladina encuei da Durnwalder (ponc: 1)
da travers ai 15 November 2003 da les 12:27:36
(Infos sun l utilisadour | Ti mané n messaje privat)
I fosse corious de savei cie che al en é dl famous gentlemen's agreement che la SVP de Badia y Gherdeina ova fat fora chest isté dant les lites. Te chel acord stòvel scrit , sce i ne me fali, che sce Mussner vegniva lité vegnìvel cherdé n badiot sciche assessour estern . Cie vel pa ciamò che l acord? Fòvel demé n toch de paier, n puech de fum per fa scuté chiec i badioc y tant "gentle" é pa i men dla SVP? Magari podessa la redazion de noeles.net publiché danuef chel comuniché dla Geschäftsführerin dla SVP.


News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.419 seconc