Vigni scagn sot l control dla politica
LADINS: la majera pert di enc publics é true massa influenzés da la politica
La lista Ladins tol posiziun sön i ultims svilups tla chestiun dl'université da Balsan y in general söl degré de "direziun y presciun politica" a chël che les istituziuns provinziales é sotmetüdes, dal scëmpl contribut, ai comuns y ales inciaries plü altes. "Che la politica é inće rovada tl’ Université Lëdia da Balsan ę na cossa tlera da impröma insö" - vëgnel dit tl comunichę.
"Al basta ma ponsč che ćina da püch ę so presidënt le surastant dla Provinzia. Degöna morvëia che dezijiuns de na certa importanza mëss vigni iade gně tutes cun le bëgnstč dla politica provinziala". In general se baudia la lista Ladins che "n gröm de ënć publics, ćinamai uniuns y assoziaziuns, patësc sot a n sindrom provinzial". "La gaujia por chësta situaziun n’é nia ma da chirě tla conzentraziun dl podëi dla provinzia, mo inće tla sotmisciun y gonot tla comodité dles istituziuns instësses", vëgnel dit inant. "Dessigü arŕ inće le finanziamënt na certa importanza: al pę che döt rogôres fora dl tacuiun dla misericordia politica". Ince i comuns é rová sot presciun politica, la Lista Ladins: "Ćinamai comuns da chilň y dailň da d’intëne da ester ales dependënzes dla provinzia. Scores, istituć provinziai, musei, biblioteches, por nia baié dles sozietęs cun partezipaziun provinziala - düć č metüs dan la medema domanda: co dess pa se manifesté chë autonomia tres tan aprijada, sce la dependënza dala provinzia vëgn a pesč te na manira tres plü marcanta?", critichëia la lista Ladins.
