benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Servisc zivil: truepes organisazions chier volentars
scrit ai 07 November 2003 da les 18:28:45 da noeles

Desvalives

 

Fé l servisc zivil empede l saudé

N cogol de informazions per chi che vuel fé servidour zivil

(if) Joegn che mess jì a fé l servisc da saudé pò empede fé l saudé ence fé l servisc zivil de diesc meisc. L ofize per l servisc zivil à metù adum a la miscion www.provinz.bz.it/zivildienst dutes les informazions de uega, i formulars y la lista dles istituzions che chier servidours zivils. L servisc zivil vegn anuzé cotant da istituzions publiches y privates che laora tl ciamp sozial, cultural, sanitar y ambiental. Per chestes organisazions é l aiut y la colaborazion de chi che fej l servisc zivil dret d'utl. Sun les plates te internet www.provinz.bz.it/zivildienst él da abiné les informazions che va da la vijita y al sburlé su per rejons de stude enfin a les domandes per podei fé l servisc zivil. En plu végnel ence dé resposta a chestions che ne é sovenz nia cleres.



Da abiné él ence na lista de adresses de istituzions che sostegn l servisc zivil. Tres n liam rùven pro tesc' de lege y normatives che regolamenteia l servisc zivil de oblianza. De merz dl 2001 él scomencé ence l servisc zivil volentar. Enfin che al ne vegn nia tout ju l servisc da saudé pò volentars che ne é nia passés a la vijita y eles dai 18 ai 26 agn fé chesta sort de servisc zivil volentar. Tl Parlament a Roma végnel dret chisc dis rejoné de lascé permez duc a fé chest servisc dal 31 de dezember 2004 inant.  Pernanche che l servisc da saudé ne é nia plu en doura pò duc i joegn dai 18 ai 26 agn fé l servisc zivil volentar. Per domandes y informazions pòn tò su contat con l ofize provinzial per l servisc zivil, tla Palaz dla Provinzia 1, streda Crispi 3, numer de telefon 0471-412036 o tres la e-mail Mpacher@serviziocivile.it. L liam al sit per ladin  é http://www.provinz.bz.it/praesidium/0101/zivildienst/index_l.asp.  (fontana: osp)

 
Liams emparentés
· Deplú sun l tema Desvalives
· Chier te noeles


L articul plu liet te chest tema Desvalives:
Aiut Alpin Dolomites: sajon da d'isté dant porta


Valutazion dl articul
Cumpeida mesana de oujes: 0
Oujes: 0

Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.371 seconc