benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Noeles.net: en ona ai 6 de november
scrit ai 06 November 2003 da les 07:58:57 da noeles

Desvalives

 

La pruma ciandeila per "Noeles.net"

Passa 400 articui, duc da podei ciamò lieje do te nost archif

Encuei, 6 de november 2003, complesc Noeles.net 1 n ann. Sce an va a cialé a plata 28 de chest sit veiden ence ciamò l prum articul y i prums tentatifs. Te chest ultim ann onse mudé plu iadesc viesta; i on ence emparé n grumon soura sistems informatics te internet y perchel daràl ca mudazions damprovia ence tl davegnì. Con l forum y la poscibelté de fé comentars ai articui él sté meso ofrì na interazion anter anuzadours y sit. Ence sce al é un di ponc dassen critichés, davia che nia dagnora ne corespon dut a la "bela maniera y al bel stim" y che l autour pò mantegnì l anonimat con n pseudonim, nes pèrel empò un di ponc plu interessanc, perauter ofris da feter duc i media eletronics via internet, perchel nia valch de nuef o fora de uega. Con internet a d'auta velozité "adsl" se giatará dut na sburla inant.



N gran vantaje de chest sistem é chel de podei memorisé sun n spaze do la rata pice duc i articui a na moda de ester tres da garat. 

Co vala pa inant? L stroment ne é giut nia complet per cie che reverda la informazion che se ghirassa perdret na redazion stabila che cuei su duc i aspec dla vita; aja che dut l laour é fat sun basa volentara ne sàn nia, ma enfin che al é dantman la vueia y l interes tl grem dla union jìrala.


 
Liams emparentés
· Deplú sun l tema Desvalives
· Chier te noeles


L articul plu liet te chest tema Desvalives:
Aiut Alpin Dolomites: sajon da d'isté dant porta


Valutazion dl articul
Cumpeida mesana de oujes: 5
Oujes: 2


Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant

Re: Noeles.net: en ona ai 6 de november (ponc: 1)
da EValentini ai 06 November 2003 da les 09:12:02
(Infos sun l utilisadour | Ti mané n messaje privat)
Complimenc a la redazion de noeles.net.
Ie pense che al se trate de una dles scomenciadives plu enteressantes y utles de chisc ultim agn tl mond ladin. Noeles.net à lascé audì na ousc nueva, plu ledia y plu critica dlvers dl "sistem" - dla informazion, dla politica, dla cultura - y de chest jìvel y va tres ciamò n gran bujegn tles valedes ladines. Noeles.net à dapò abù l merit de sourantò l ladin standard sciche lingaz redazional, cie che i autri media y ciamò demanco les organisazions culturales ofiziales ladines à abù l coraje de fé. L merit é dopl: la redazion ne ti à nia demé dé al lingaz scrit unifiché la poscibelté de desmostré cie che al vel - i passa 400 articui, i trueps comentars y messajes curc desmostra che l ladin standard é operatif te vigni ciamp - ma ala à ence, y chest é l element plu significatif, mené fora n segnal, na sfida a duc chi che, con rejons o vertoles desvalives, se emponta contra la modernisazion de nost lingaz. Na vijion che ti mancia a trueps responsabli dla politica culturala ladina.
Ie ti dije n bel dilan a la redazion per sie engajement per la ladinité y envieie duc canc a colaboré con valch articul o contribut.


News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.400 seconc