benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Uties da mont
scrit ai 05 November 2003 da les 12:37:36 da noeles

Desvalives

 

450 mile euro per derturé les uties da mont

Les uties ne é nia demé na adassosta tles montes, ma infrastrutures importantes per l turism y per la segureza dla jent

12 uties da mont giata contribuc da la Provinzia de Bulsan per laours de miorament y engrandiment de si locai. Sun enteressament dl assessour per chestions alpines Werner Frick, à l Govern Provinzial dé pro contribuc de endut 450.000 Euro a cater uties da mont privates y a ot uties da mont dl CAI, l Club Alpino Italiano. Cun i scioldi déssel vegnì daidé da curì les speises per i laours de mantegniment y eventualmenter engrandiment cualitatif de locai y dl servisc pité tles uties da mont, n servisc che ne vegn nia demé pité a la jent dl post, ma dantaldut ence ai turisc´ che vegn a se gode l temp lede. Les uties da mont ne pieta nia demé na adassosta anter les montes, ma raprejenteia ence na pert importanta dles infrastrutures turistiches te Südtirol. Sun la foto: la utia de Fanes.

 



Les uties vegn chirides su gen dai vacanziers, dij Frick. Per chesta rejon se tràtela de tegnì endertura y ben les uties da mont y samben ence i trois y les semenes. An ne dess nia tralascé, enscì Frick, l aspet dla segureza tles uties. "Con i trois amarscés endertura y les uties enjignedes ite sciche al auda con la funzion de ester n pont de referiment per chi che va da mont su, deiden dessegur prò truep a la segureza tles montes" enjonta l assessour Werner Frick. (osp)
 

 
Liams emparentés
· Deplú sun l tema Desvalives
· Chier te noeles


L articul plu liet te chest tema Desvalives:
Aiut Alpin Dolomites: sajon da d'isté dant porta


Valutazion dl articul
Cumpeida mesana de oujes: 1
Oujes: 1


Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant

Re: Uties da mont (ponc: 1)
da Dolasila ai 05 November 2003 da les 22:22:52
(Infos sun l utilisadour | Ti mané n messaje privat)
ci provinzia storta con na politica storta:
chi che à bele, sciöche i ostis, ciafa pormez.
Chi che n'á nia, sciöche uniuns culturales (UG), ne ciafa nia.



News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.401 seconc