Con les oujes giatedes lauraréi inant ciamò con deplù sprom

Dolores Dariz: sen él miec cialé inant, ma ence giaté i fai y les mancianzes

Desche candidata dla lista LADINS pro les ultimes lites di 26 de otober me permeti de fé valgunes consciderazions. I ti diji dantaldut dret bel dilan ai litadours che me à dé sia ousc de preferenza. I son aconsiadessa dla lista LADINS tl consei de comun da Bulsan y ence con l sprom dles oujes giatedes, pòi asseguré che i me engajaré ciamò deplù a defene i interesc di ladins te chesta senta. Per cie che reverda l resultat dla lista ne n'él per nia fé comentars lonc: al é sté na desfata grieva.

Willeit ne à nia plu podù vegnì confermé tl Consei Provinzial, nience con n mandat de rest. Do l mote ti à i ladins plu creta aldefora dles cualités personales de Mussner, ence y dantaldut, al sterch sostegn politich che sie partì, la Svp ti à pité. Al ne pò endere nia vegnì scuté via i fai y les mancianzes da pert di promotours dla lista "LADINS", nience les mancianzes dla lege litala che à dassen endeblì la imaja dla lista dant dai litadours. Tout at n iade de chest, me pèrel dret che an ciale inant, davia che l messaje veir dla lista LADINS fova y é chel de spromé la jent ladina a tò tles mans enstessa y diretamenter tematiches che reverda sia identité y la sconanza de sies carateristiches y mersces etniches, politiches, soziales defront a les populazions de lingaz todesch y talian te Südtirol

L'aconsiadessa dla lista LADINS tl comun da Bulsan

Dolores Dariz