benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Bilanz dla sajon da d'isté te Fascia
scrit ai 01 November 2003 da les 09:58:10 da noeles

Economia

 

Damprò da 2 milions de prejenzes

La sajon de chesta outa vegnirà recordeda desche una dles mioures - Sen s'enjìgnen a la sajon da d'invern

c.g. La sajon da d'isté é fineda via, na bona ocajion per tré bilanz. Ence l meis de setember é sté bon per i albercs: 20.000 foresc’ ruvés (+2,35%) à fat registré 112.000 prejenzes (+4,90%); de mesan 5,6 dis de vacanza. Percie che reverda cuartiers, campings é les prejenzes vegnudes stimedes sun 104.000 con na crescimonia dl 2,39%. Les satistiches de setember consent de tré les somes do la sajon da d’isté 2003 che vegnirà recordeda desche una dles mioures. Jugn, aost y setember i meisc miours; demé messel é ju fora dret desche l’ann passé.



Dut l moviment, albercs, cuartiers y d'autres strutures extralberghieres à fat segné 268.000 ruvés +7,71% y 1.888.000 prejenzes +2,93. Ma sce da la statistica tòlen fora l moviment di albercs veiden che ala é juda ciamò miec. Enfat la crescimonia di foresc' ruvés é steda dl 11,22% (160.000) y chela dles prejenzes dl 5,05% (948.000). Desche an veid él ju su de plu l numer di ruvés y nia tla medema mesura les prejenzes, conferman la tendenza dles "vacanzes plu curtes". Auter dat curious é che les prejenzes di albercs é stedes demé 8.000 de soura a cheles ti cuartiers. Cialon coche ala é juda comun per comun per cie che reverda les prejenzes ti albercs : Mazin +: 14,45 (39.000), Moena +8,02% (177.000) ,Cianacei +6,83% (265.000), Soraga 662% (68.000), Vich +3% (117.000), Ciampedel +1,13% (114.000) y Poza 0,96% (139.500). A ruvé a les 946.000 prejenzes alberghieres a Cianacei à contribuì col 27,95%, Moena col 18,67%, Ciampedel col 14,97%, Poza col 14,66%, Vich col 12,34%, Soraga col 7,06% e Mazin col 4,11%. Auter dat curious : vigni zitadin de Fascia à dé en media alberch a 29,7 vacanziers. (c.g)


 
Liams emparentés
· Deplú sun l tema Economia
· Chier te noeles


L articul plu liet te chest tema Economia:
Economia: Stude da comerzialist Verginer


Valutazion dl articul
Cumpeida mesana de oujes: 0
Oujes: 0

Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.386 seconc