benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Da la lia dl teater d'La Pli
scrit ai 29 October 2003 da les 16:37:01 da noeles

Manifestazions

 

Cristl da Ras - teater te cater pertes

Premiere: en vender, ai 31 d'otober 2003 da les 20:30 tla Ciasa dles Unions a La Pli de Mareo

Cie pò pa l teater d'La Pli se ghiré deplù che podei porté dant sun paladina na contia popolara de Mareo, scrita da n scritour y ciantautour d'La Pli! Bele da deplù agn nes onse dé ju con l'idea da joblené n teater nia demé tl lingaz ladin, ma da prejenté n iade a nosta jent n dret toch ladin y nia na traduzion da n lingaz forest. Per chest auton èsela sen tant inant. L toch "Cristl da Ras" é vegnù scrit dal scritour Iaco Rigo. La storia se baseia sun na contia popolara de nosc raions. Cristl da Ras dess avei vit a Al Plan de Mareo entourn l ann 1600. Al à n talent natural da medié tiers y jent. Al vegn conté che n bel dì s'essa l malan prejenté da el y i essa pité forzes da strioné. Lassoura essa l malan volù l'anima de Cristl...



I ves envieie perchel a La Pli per ves lascé conduje derevers al raion de Mareo dl 1600, te n mond plen de misters, credenzes y strionec. Ladin è l test, ladin è l autour, ladina è la mujiga y ladins è l regist y i interprec: ie arate che chest projet anter leteratura, dramaturgia y mujiga sie n arichiment per duta la cultura ladina!

Hansi Comploi
President dl teater d'La Pli

Test de Iaco Rigo
Mujighes de Alessandro Trebo
Rejia de Mateo Taibon
Scenografia de Barbara Westermann

Joblers:
Tone Palfrader - Cristl
Franz Rigo - Bélzebub
Zilia Daverda Maria - femena de Cristl
Martin Rigo  - Iaco, fant da Ras
Strumentalisé: Alessandro Trebo, Marlene Schuen
Tecnica: Benedikt Valentin, Davide-Records
Soufleusse: Anna Palfrader Willeit
Mascres: Helene Kastlunger
Lums: Gregor Pedevilla, Paul Rigo

La Pli, Ciasa dles Unions

Termin:

  • Premiere: en vender, ai 31 d'otober 2003 da les 20:30 tla Ciasa dles Unions a La Pli de Mareo
  • domenia, ai 2 de november 2003 da les 20.30,
  • vender, ai 7 de november 2003 da les 20.30,
  • sabeda, ai 8 de november 2003 da les 20.30,
  • domenia, ai 9 de november 2003 da les 20.30,

Prenotazion de scagns sot al numer de telefon 0474/500978. I posc' resservés vegn tegnis endò n chert d'ora dant les raprejentazions.


 
Liams emparentés
· Deplú sun l tema Manifestazions
· Chier te noeles


L articul plu liet te chest tema Manifestazions:
Festa de benefizenza sun Mont de Pana, n gran suzes


Valutazion dl articul
Cumpeida mesana de oujes: 0
Oujes: 0

Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.417 seconc