benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

N prum comentar a les lites da en domenia
scrit ai 28 October 2003 da les 22:07:09 da noeles

Politica

 

Willeit: "I ladins à na majera creta tla maioranza che te sé enstesc" - Al manciova les emozions

L ejempl dla Union Autonomista Ladina (UAL) desmostra che ala podessa ence jì autramenter - I ombolc à festejé con la Svp a Bulsan

(i.o.) L resultat dles lites provinziales 2003 pò vegnì splighé te n grum de manieres y an pò giaté n grum de gaujes per l resultat final dla Lista LADINS che à giaté za. 4.200 oujes, bon 1.800 demanco che da les lites provinziales dl 1993, la unica vela con chela che an pò la confronté, davia che dl 1998 òvela messù jì adum con la DPS per superé l scialier lital. Vignun à sies spligazions do pro. Chesta outa manciòvel dantaldut l efet dla novité (enlaouta fòvel sun lista ence Maria Canins), al manciova les emozions y al fova n puech de melsegurté sun chi che conduj la lista, Mischì y/o Willeit y la gran concorenza da pert dl assessour cherdé, Mussner, che à abù ben 2 agn per se profilé y n tacuin penc da empermete de vigni sort de finanziamenc per plié les resistenzes. Dal moment che LADINS y Svp ladina é doi monds desvalifs da la impostazion encà, l prum orienté a l'autoraprejentanza, a l'autoorganisazion politica, l auter depierpul lié ite tl cheder dla Svp todescia, fova chesta na proa de forza sun la esistenza o manco.


perzentuales %
 assolut
Oujes endut
Paisc
SVP
Ladins
Verc
SVP
Ladins
Verc
Autri
Badia 60,7 33,4 1,9 1.241 684 38 83 2.046
Corvara 59,2 32,2 2,7 497 270 23 49 839
La Val 74,3 21,3 2,1 614 176 17 19 826
Mareo 67,4 22,6 2,5 1.211 406 45 134 1.796
San Martin 62,9 32,3 1,2 681 349 13 39 1.082
Val Badia 4244 1885 136 324 6.589

 

64,41% 28,61% 2,06% 4,92% 100%
Selva 71,1 19,2 4,4 1.171 316 72 87 1.646
St. Cristina 72,9 17,6 4,6 810 195 46 60 1.111
Urtijei 59,3 18,9 10,7 1.723 551 311 323 2.908
Gherdeina 3.704 1.062 429 470 5.665
65,38% 18,75% 7,57% 8,30% 100%
Badia+Gherdeina 7.948 2.947 565 794 12.254
64,86% 24,05% 4,61% 6,48% 100%





An à fosc sotsciazé la importanza dla formazion dla lista. De plu persones de peis che fossa stedes desponudes se à retrat, per gauja che ales ne volova nia se espone. Desche l candidat Clara Leopold scriv ence te sia prejentazion: "dant ne podovi nia candidé, davia che i messovi avei poura de ne giaté nia plu enciaries...". Ma dut chest ne spliga nia l resultat. Carlo Willeit à dit tla televijion: "I ladins à plu creta tla maioranza, ti todesc, tla Svp todescia, che te sè enstesc", chest toca bonamenter miec la situazion dles cosses. L ejempl dla UAL te Fascia che à arjont l 52% dles oujes y che met l raprejentant dij che ala podessa jì ence autramenter sot d'autres zircostanzes, ma cheles ne n'onse nia tla provinzia da Bulsan (n certl lital). Te anter i 35 candidac ladins él ilò vegnù cernù Luigi Fontanta. Gran contenteza dl resultat samben tla Svp ladina. I ombolc di comuns ladins é vegnus a festejé tla zentrala a Bulsan la deventa dla Svp y la desfata dla lista LADINS.

L resultat mostra ence su de gran desvalivanzes da comun a comun, la lista LADINS à dutaorela arjont ciamò spizes dl 33,40% tl'Alta Badia (denant damprò dal 50%) che se reduj dassen te Gherdeina enfin al 17,60% (St. Cristina) y ai ours (Mareo) y dantaldut a La Val con le 74,30% Svp. Al é fosc vegnù arjont l "nojel dur" di litadours dla Lista LADINS, fosc endò n pont per pié via danuef, do la rata ti manciòvel demé cheles 350 oujes per arjonje n mandat de rest. Na cossa pèr endere segura: dut sarà cotant plu rie, la motivazion é ria da descedé do n faliment y al vegnirà ertsoura da se mueve ciamò n iade con sbunf. L fil de seida pò saurì se rumpe. An ne sà nience co che ala va inant con la lege litala, sce la Sentenza dla Court Costituzionala che scriv dant l sistem proporzional per la provinzia da Bulsan vegnirà tegnì inant en pè. Segur él che la Svp vuel bate tres na lege litala nueva con n lintrin lital. "Temps scurs y durs" dij n esponent dla lista LADINS.


 
Liams emparentés
· Deplú sun l tema Politica
· Chier te noeles


L articul plu liet te chest tema Politica:
Südtirol: Karte mit historisch gewachsenen Namen


Valutazion dl articul
Cumpeida mesana de oujes: 0
Oujes: 0

Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant

Re: N prum comentar a les lites da en domenia (ponc: 1)
da travers ai 28 October 2003 da les 22:49:44
(Infos sun l utilisadour | Ti mané n messaje privat)
Prum comandament: ne la dé nia su.
Second comendament: ne chirì nia vertoles ma se fé n ejam de coscienza y cialé de capì cie che ne à nia funzioné.
Terz comendament: ti sté do a la SVP y se enjigné a combate con i mesi a desposizin: stampa, signoria, manifestazions popolares, etc.
Cuart comandament: tré su na generazion nueva che sie manco lieda o sotmetuda idologicamenter al model SVP.



Re: N prum comentar a les lites da en domenia (ponc: 1)
da giatfosch ai 29 October 2003 da les 09:25:13
(Infos sun l utilisadour | Ti mané n messaje privat)
sce vei, mo danfora messun dì che Mussner à fat propaganda oramai dui agn con l'aministraziun publica. I scioldi de düc tuc ca por propaganda de partì. Chesta aministraziun àl ince tut ca pur fà presciuns sön i media. Val jornalisc s'á dé ca de ban, sciöche che gran scicun che à scrit tla Usc di Ladins n articul de ringraziament a Mussner pur i contribuc. Regimepresse i dijon a val de te ...



Re: N prum comentar a les lites da en domenia (ponc: 1)
da travers ai 29 October 2003 da les 10:21:16
(Infos sun l utilisadour | Ti mané n messaje privat)
Al ne é per nia se baudié sen che Mussner ae nuzé l assessorat per se fé reclam lital, chest podova vedei dantfora vignun. Mussner ne à fat nia d'auter che cie che vignun fej tla politica, te Sudtirol y altrò, y se scandalisé ne porta iniò. L fal é vegnù fat canche C. Willeit à renunzié a fé recurs a Roma contra la cherdeda de Mussner, ti dan a cheta moda sie placet a Durnwalder. Jì con na rama de olif tla tana dl louf ne à mai funzioné: l louf se mangia l agnel.


News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.418 seconc