benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

L istitut ladin de Souramont deura sies portes
scrit ai 20 October 2003 da les 17:15:52 da noeles

Cultura

 

L Istitut Cultural Ladin "Ciasa de Jan" à sen sie statut

Bandida per tò su n colaboradour aministratif, les domandes pò vegnì prejentedes enchin ai 27 de otober

de Lorenzo Soratroi

(if) L statut é vegnù aprové te chisc ultims dis dal comité costitutif che é formé dai raprejentanc dles aministrazions di Comuns y dles Unions Ladines di trei comuns ladins storics, dai diretours di istituc de Fascia y Badia y da doi esperc de chestions aministratives. Do n isté de discuscions y de laour él vegnù enciarié l dot. Luca Agostini da pert dl comité costitutif a mete adum n statut, al l à porté a bon fin, al é l prum ziedl per mete a jì l istitut per i trei comuns. Al é vegnù descorù  truep sun la forma giuridica da ti dé a chest ent nuef che dess ester l plu saurì poscibel da manejé dal pont de veduda burocratich. Al fossa sciode sce na gran pert dl temp y di scioldi a disposizion jissa perdus per gauja de chertes o de n manejement massa peigher. L istitut sarà na assoziazion con sozes fondadours, i trei comuns, les trei unions, ma con la poscibelté de tò ite d'autri sozes che deida finanzié l laour scientifich. Tl statut él ence prevedù na pert de finanziament fissa da pert di Comuns y dles Unions; chest per permete l funzionament dla strutura ence sce i finanziamenc statai che vegn da la lege 482/99, essa da se entardivé o da vegnì a mancé daldut .  Sun l retrat: la Ciasa de Jan a Col Santa Lizia dant l derturament.



Les finalités dl istitut é cheles che s'à metù dant ence i autri istituc de Fascia y Badia: studié l lingaz ladin, la storia y la cultura ladina en colaborazion con i autri istituc y con les universités; encentivé a adoré l lingaz ladin en colaborazion con i comuns y con les scoles; conservé y sconé la cultura ladina ence con l aiut di mass media y de libri o de publicazions; potenzié i raporc anter i ladins dles Dolomites, dl Grijon y dl Friul. L statut dess vegnì cialé ju y aprové ence dai conseis de Comun y da les Unions ladines di trei comuns, denat che vegnì firmé dant al notar te na zerimonia ofiziala, coche l Capocomun da Col, Paolo Frena, à bele anunzié.

Ma n istitut ne pò nia funzioné demè sun la cherta, al mess avei ence na scatola y valch da mete laite.

Entratant l meis de otober scomenciaràl defat i laours de derturament dla vedla "Ciasa de Jan", senta ofiziala dl istitut che vegnirà ultimés via per l'aisciuda ence dilan ai 90.000 euro de finanziamenc giatés da la Region, Fondazion dla Cariverona y Bim. Entratant él l Comun de Col ju dantfora tl projet dl istitut ence per i autri doi comuns, al à scrit la bandida per tò su n colaboradour aministratif. L laour per entratant vegn garantì per n ann y al sarà finalisé a envié via l istitut. Ai candidac ti végnel damané n curriculum profescional y duc chi titui che pò i porté ponc tla valutazion finala. Les domandes mess vegnì prejentades al Comun de Col anter l 27 de otober. Ai 11 de november endere vegniràl tegnù na proa de ejam despartida te does pertes. Una a ousc, olà che l candidat mess desmosté de conesce desche al toca una dles trei variantes ladines de Col, Fodom o Ampez y de de conesce schiche al toca cultura y tradizion, en particolar chela da Col. Tla proa pratica vegniràl valuté la capazité de adoré l computer y sies aplicazions. Deplù informazions podaràn damané do te comun da Col de S. Lizia.


 
Liams emparentés
· Deplú sun l tema Cultura
· Chier te noeles


L articul plu liet te chest tema Cultura:
Sotescrivede l Manifest LADINIA 2005!


Valutazion dl articul
Cumpeida mesana de oujes: 5
Oujes: 1


Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.377 seconc