Di internazional (17-10-2003)per scombate la puerté

Ence Südtirol é atoché da chest fenomen - la politica ne dess nia se ouje demez

En ocajion dl di internazional dla puerté recorda la Lista LADINS che ence Südtirol é atoché da chest fenomen y che la politica ne dess nia ouje demez l’atenzion da chesta realté con laudé tresfora l gran benester y apriejé la conjuntura economica che floresc tant ben. Te nosta provinzia ne i vàla giut nia tant ben a duc co che valch politicher volessa nes fé creie (cis sen dant les lites). L aument sun l cost dla vita se fej sentì tres deplù y vegn dantaldut a pesé sun la categoria di laoranc y sun les families joenes.

La Lista LADINS criticheia perchel n iade deplù la maniera da spaterlé scioldi publics te strutures de luxus y te frabicac de prestije y da l'autra pert spo cherdé a cassa i zitadins (enscì bele agravés da de vigni sort de coutes) per paié i servisc tl ciamp dla sanité y dl'assistenza soziala sciche ticket y couta sun la vedleza. N ejempl de co che scioldi (en pert ence publics) vegn spaterlés é ben la campagna litala da chest iade che supereia vigni livel y vigni bona mesura. Per la jent che mess laoré y sparagné é chesta maniera de fé n sclaf tla musa y na desmostrazion clera che l arjonjiment o mantegniment dl podei vegn cotant dant i interesc dla coletivité.

Dr. Giovanni Mischì
(president dla LL)