benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

L Servisc de Trasport Publich adora l Ladin Standard
scrit ai 08 October 2003 da les 18:34:34 da noeles

Aministrazion

 

L sit dl Servisc de Trasport Publich se prejenteia ence per ladin

N bel ejempl de ofizialisazion dl ladin standard - Dutes les plates é ence metudes ju per ladin standardisé

SIIDepierpul che certes istituzions ladines che essa perdret l dovei istituzional de sostegnì zenza resserves l Ladin Standard,  laora defat decontra, él impreises privates y publiches che se servesc dl Ladin Standard, enscì l Servisc de Trasport Publich dla Provinzia de Bulsan che à metù ju dut sie sit dlongia todesch, talian y ingleis ence per Ladin y chel tla forma standardiseda. L logo dl SII: Sistem y Servisc de Informazion dles Impreises de Trasport de Suedtirol www.sii.bz.it. Sun l sit giàten dutes les informazions che reverda i orars y i priesc tl detai dl Servisc de Trasport Publich che ensera sie l bus, la ferata che les furnadoies. L sit dl Museum Ladin y dl Istitut Ladin podessa se tò n ejempl. Al paia la mueia de ti dé na odleda.



L sit é fat dassen ben y manejoul y les informazions va tl detai: dan ite l post de partenza y de travert végnel dé atira dutes les poscibeltés de orars y i priesc y les coliazions.


 
Liams emparentés
· Deplú sun l tema Aministrazion
· Chier te noeles


L articul plu liet te chest tema Aministrazion:
Dal Ofize chestions linguistiches: does verscions ladines dl Statut de autonomia


Valutazion dl articul
Cumpeida mesana de oujes: 5
Oujes: 1


Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant

Re: L Servisc de Trasport Publich adora l Ladin Standard (ponc: 1)
da travers ai 09 October 2003 da les 09:07:24
(Infos sun l utilisadour | Ti mané n messaje privat)
Bela cossa, al é veira. Cie che fej demarevueia é la schizofrenia dla provinzia de BZ: da una na pert onse n assessour ladin che dà fora n decret contra l ladin standard - y i istituc culturai ladins ti fej atira da cassa de ressonanza - , da l'autra pert él organisazions provinziales che aplicheia la regola dl bon sens.
Noeles.net podessa magari organisé na picera enrescida per vedei chi che à rejon.



Re: L Servisc de Trasport Publich adora l Ladin Standard (ponc: 1)
da giatfosch ai 09 October 2003 da les 11:03:56
(Infos sun l utilisadour | Ti mané n messaje privat)
nia bravé massa adora. ciarede pa che Mussner proibesc le ladin standard ince chilò. o che al fej meter ite tröc fai sciöche söla propaganda litala ch'al mena incerch. Al mostra ch'al ne se nia ladin! ci figöra


News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.365 seconc