Amalés psichics: zenter de terapia per malaties multiples
Via libera per l finanziament y la projetazion dl comples.
(osp)Na strutura publica vegnirà enjigneda ite a Oberin per pazienc con malaties psichiches y tl medem temp con malaties da dependenzes. La vila "Delug" vegn per chest fin saneda da pert dla aministrazion provinziala y adateda a les normes de lege. Con l'aprovazion dl plan per anuzé chesta cubatura él vegnù dé l via libera per l finanziament y la projetazion dl comples.
Enscì végnel fat n vare inant tla rei dla assisteza psichiatrica te Südtirol: na strutura publica de terapia per pazienc con diagnoses multiples - donca persones che ne patesc nia demé per gauja de na malatia psichica, ma che patesc ence per gauja de malaties da dependenzes . Do la restruturazion dl comples y i adatamec a les normes de lege contra l meldefuech y a les normes per handicapés déssel vegnì tout su per entratant 20 pazienc.
Chesta strutura per dut Südtirol vegnirà manejeda da l'azienda sanitara de Bulsan. L costiment per i laours vegn sciazé a 1,5 milions de Euro. Pro la vila "Delug" se tràtel de na imobilia dai temps dl imperadour (1903), l domizil dl mede de court. L stabiliment prinzipal é sot sconanza dles Beles Ertes .
