Propostes per la steila de merit al laour
Enchin ai 31 de otober àn ence chest ann la poscibelté de fé propostes de laoranc, dependenc y responsabli per la steila de merit al laour
(osp) L’onoranza vegnirà sourandeda sciche vigni ann en gaujion dl di dl laour ai prums de mei 2004. Les persones portedes dant mess avei almanco 50 agn, avei laoré da almanco 25 agn y se avei astilé te na maniera ejemplara y meritoula sun l post de laour. Dantaldut végnel tout en consciderazion meric tl ciamp dla segureza sun l laour, tla formazion di joegn o tl svilup de produc y sistems de produzion - enscì Helmuth Sinn, diretour dla repartizion per l laour. Les propostes pò vegnì manedes ite da les impreises, ma ence dai dependenc.
Per Südtirol él vedù dantfora ot onoranzes. Chestes propostes vegnirà portedes dant a na comiscion dla repartizion al laour y al minister dl laour a Roma. Les onoranzes vegnirà sourandedes con decret dl president dla Republica. Informazions plu avisa pò vegnì damanedes do pro l ispetorat dl laour dla Provinzia de Bulsan al numer de telefon 0471-412 750.
