benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Devers les lites provinziales ai 26 de otober
scrit ai 09 September 2003 da les 11:22:33 da noeles

Politica

 

Consulta y Comunanza plu adum

Candidac todesc ti vegn bel plan permez y dà na man - L ejempl dl comun de Bulsan desmostra che ester autonoms convegn

(uc) Te chisc ultims temps desmostra la Consulta per i problems ladins tl Comun de Bulsan d'ester tres plu y plu ativa. Nia demé per feter segura l'arjonta de na ciasa-alberch per laoranc, impleés ladins che vegn da les valedes per laoré a Bulsan, y an sà che l numer dles domandes va soura i 60 fora, ma ence l'indenité de trilinguism é ruveda te Comun de Bulsan per interessament dla Consulta.

La aconsiadoura ladina tl Comun de Bulsan, Dolores Dariz. Jì autonoms con na lista te Consei de comun à paié la mueia, l medem vel a livel provinzial.



La Consulta laora dassen deberieda con la Comunanza ladina a Bulsan. La colaborazion é souradut a livel di presidenc: Dariz Dolores per la Consulta y Lezuo Ivan per la Comunanza. Al é cler che la colaborarzion vel ence per les proscimes lites. Tramidoi i presidenc é candidac, tramidoi sun la lista LADINS. Ma al é interessant osservé che la simpatia per la Consulta y la Comunanza vegn ence da nia ladins o da persones con raijes ladines, ma che rejona todesch y che empara puech a la outa ence l ladin tres l contat nuef. N signal positif che desmostra che les persones plu davertes é bones de fé l vare inant y de vegnì endò con i ladins. Families todesces che à l'inom ladin nen él n grumon te Bulsan y entournvia, ma dassen pueces pensa a sie origin, truepes se doda enchinamai sce an ti recorda la verité. Ma valch se muev sen y anter i candidac de Lista Ladins tl raion da Bulsan nen él bele trei nia ladins. Se tràtela demé de simpatia culturala o él ence de chela etnica? L resultat dles lites mostrarà su con cie entusiasm y convinzion che i trei candidac à sapù da se fé reclam y a porté permez oujes. Dan ma naouta na odleda ai candidac.

Dolores Dariz: aconsiadoura ladina tl Consei de Comun de Bulsan y presidenta dla Consulta per i problems ladins. Ala é de Badia, ma ala viv bele da deplù agn a Bulsan, olà che ala fej pert dla Comunanza ladina y se festidieia per de vigni sort de chestions che reverda i ladins che viv fora dles valedes. Impleeda dla Provinzia.
Ivan Lezuo: abiteia y viv a Leifers con sia familia. De profescion él professour de todesch y storia tla scola mesana. Dassen conesciù anter i ladins da Bulsan , ajache al moment él president dla Comunanza ladina a Bulsan. Al organiseia ben les manifestazions dla Comunanza.

Wolfgang Burger: abiteia a Aldein, al é professour de latin y todesch te na scola auta a Bulsan. Maridé con doi mutons. Dret conesciù per sie engajament tles unions de sie paisc y ence te scola.

 

Peter Erwin Huber: nasciù a Lana, al laora a Bulsan tl Tribunal. Al é souradut conesciù per sia veta artistica: al scriv teatri y produzions leterares dret aprijedes.

Wally Steiner Schmid: abiteia y laora a Bulsan sciche dependenta dl'Azienda di Servisc Soziai dla zité. Marideda. Wally se à bele ence candidé pro les lites de Comun dl 2000. Dassen valenta y interesseda a sie laour per l ben dles persones.
Clara Pedevilla: da Lungiarü, abiteia y laora a Eppan y ala é ativa tl ciamp sozial. Ala é un di ponc de referiment per i ladins che viv tl raion entourn Kaltern y Eppan. Vedua y ala fej gonot volontariat tla ciasa de paussa.

 
Liams emparentés
· Deplú sun l tema Politica
· Chier te noeles


L articul plu liet te chest tema Politica:
Südtirol: Karte mit historisch gewachsenen Namen


Valutazion dl articul
Cumpeida mesana de oujes: 5
Oujes: 1


Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.357 seconc