benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Relazions interladines-retoromanes
scrit ai 28 August 2003 da les 16:54:09 da noeles

Politica

 

Al dess nasce na colaurazion plu strenta

Enconteda a Cuira/Chur anter ladins-retoromans - Al vegn metú en pé n grup de laour per arjonje na majera colaborazion ti ciamps di media, dla cultura y dla scola

Sun interessament dl vizepresident dr. Carlo Willeit él chest ann endò vegnù a se l dé na enconteda de raprejentanc dl mond politich y cultural di Grijons con na delegazion dla Region Trentin-Südtirol, metuda adum da Franz Pahl, Gino Fontana, Carlo Willeit, Ilda Pizzinini, coche presidenta dla UGLD, y Stefan Untersulzner. A ti dé l benvegnù ai raprejentanc a Cuira/Chur fòvel l president dla Lia Rumantscha, Jon A. Derungs, l president dl Consei y dla Regenza (Jonta) y raprejentanc dl Consei (parlament grijon), che cumpeida 120 deputés, 43 de chisc rumanc. 

Sun l retrat: 1. Robert Giacometti, deputé ciantonal y president dl grup rumanc dl parlament,2. Gino Fontana, assessour regional, 3. raprejentant consei LR, 4. Carlo Willeit, vizepresident dl consei regional, 5. raprejentanta consei LR, 6. Jost Fallet, president LR, 7. Ilda Pizzinini, presidenta UGLD, 8. deputé ciantonal, 9. Franz Pahl, president dl Consei Regional, 10. Romedi Arquint, deputé ciantonal y pres. FUEV,11. Gion A. Derungs, secreter LR ,12. raprejentat dla Regenza (Govern Ciantonal),13. Stefan Untersulzner, secreter general dl Consei Regional



Derungs à mostré y splighé la strutura y l’organisazion dla Lia Rumantscha, la lia culturala tet che aministreia y partesc su autonomamenter contribuc per l’assistenza, l’informazion, la formazion culturala y linguistica, contribuc che fej fora passa 1.500.000 euro. Te chesta ocajion à Derungs ence rejoné dla situazion particolara dl lingaz recordan valch aspet negatif coche l sourapeis dl todesch y dl ingleis, l frazionament intern di rumanc y la passivité dla jent. Do la vijita al Ciastel dl Vescul àl dapò metù man la seconda pert dla vijita. La delegazion ladina é ruveda adum con esponenc rumanc dl Consei Gran (Cussegl Grond), di media grijons y ence con esponenc dla Lia Rumantscha. Al é vegnù ejaminé i ciamps prioritars de colaborazion che é dantdaldut i massmedia, l lingaz, la scola, la formazion universitara y samben la cultura. N vare inant él vegnù fat con na proposta concreta de mete empé n pice grup de laour che dess laoré fora n program de colaborazion poscibla y utla te chisc ciamps. Chest grup vegnirà metù adum da esponenc rumanc y ladins. Can che la proposta sarà laoreda fora plu a puntin (avisa) y an arà n program concret dantman en cont de contegnus, cosc’ y personal, spo ruvaràn endò adum per ofizialisé la cossa y per scomencé concretamenter con la colaborazion.(if)


 
Liams emparentés
· Deplú sun l tema Politica
· Chier te noeles


L articul plu liet te chest tema Politica:
Südtirol: Karte mit historisch gewachsenen Namen


Valutazion dl articul
Cumpeida mesana de oujes: 0
Oujes: 0

Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.401 seconc