Dì di assistenc/meinaparcs dles sourasperses sot sconanza
En domenia, ai 7 de setember, él sun l program na jita tl parch natural Puez-Odles daverta a duc i interessés
(if) 
L'edizion dl 2003 dl "dì di assistenc dles sourasperses sot sconanza" é dedicheda a duc chi che ciala soura y deida al intern di parcs naturai; ma ela é ence daverta a duc i interessés. L pont de enconteda é l parcade di auti dant la utia da mont de Zanes ta Funes da les 10 dantmesdì. Duc é enviés a tò pert. La jita de na dureda de zirca does ores y mesa ne é nia sfadiousa, i partezipanc arà la poscibelté de amplié sies conescenzes sun l'ambient y de descurì zacotant de novités interessantes sun i parcs. Sun la utia da mont Gampenalm él prevedù na paussa per la marena.
I assistenc/meinaparcs dles sourasperses sot sconanza sporj sie servisc entratant l'isté, ei é les persones de referiment per trueps vijitadours di parcs naturai. Encueicondì él 20 colaboradours che ofresc sie servisc dretermeter sun l luech, dantdaldut dant i azesc prinzipai a les sourasperses sot sconaza, dan informazions sun les particolarités di parcs y sun les normes de sconanza. Ma si doviers ne se ruva nia chilò. Ei colaboreia ence tl manejament di sies zentri de vijita, a uega organiseiei vijites spezifiches avisedes y ai pieta ai vijitadours ence sie savei te chestions sun la sconanza dl paesaje.(osp)
