benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Dal assessorat a l'agricoltura
scrit ai 27 August 2003 da les 14:42:43 da noeles

Aministrazion

 

Informazions per i paurs on-line

An pò giaté ence les spligazions per contribuc y i formulars de uega

L sit nuef dla repartizion provinziala a la agricoltura ti pieta ai interessés, te temp real y con n scempl clich, tla rei zivica a la miscion www.provinzia.bz.it/landwirtschaft/ , dutes les atualisazions y les novités tl setour. N servisc particolar y de valuta, dij l assessorat . Al tol ence ite dutes les mesures de sostegn dla Provinzia  prevedudes per i paurs che sarà da garat sun internet con la poscibelté de desc'iarié ju duc i formulars nezesciars. L obietif prinzipal dla repartizion ne fova nia chel de crié na plata- reclam, ma plutost chel de sporje informazions pratiches davejin a les esigenzes dl zitadin. Al zenter dl sit nuef , metù adum per talian y todesch, en colaborazion con l'Informatica Alto Adige Spa, sta l pachet dles mesures de aiut a ben di paurs: premies per tegní armenc y d'autres, contribuc, indenisazions, esenzions y en plu les adresses di ofizes provinziai de uega y di impleés enciariés.



"I nes on tout dant de pité informazions curtes, avisa y cleres empede grafiches complichedes y imajes che essa ghiré temps lonc da desc ' iariament da internet", enscí l assessorat. I vantajes dl sit nuef é cotanc, dantaldut  per i paurs che viv desman dai zentri urbans. Se anuzan dl troi telematich ciáfiei da sparagné temp y speises. La plata internet cialará, enscí l assessorat, de sporje damprovia dutes les autalisazions sun i temesc plu atuai tl ciamp dla pauraria . "Chi che miena che i paurs scrive ciamò sun tofles con creida, se à fat de segur  n'idea faleda: computer y internet é deventés mesi standard ence anter pro trueps paurs, dantdaldut anter les generazions joenes. L servisc nuef sun l web ti va encontra a chisc debujegns."(osp - LS: if)

 
Liams emparentés
· Deplú sun l tema Aministrazion
· Chier te noeles


L articul plu liet te chest tema Aministrazion:
Dal Ofize chestions linguistiches: does verscions ladines dl Statut de autonomia


Valutazion dl articul
Cumpeida mesana de oujes: 0
Oujes: 0

Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.364 seconc