benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Da la Consulta per i Problems Ladins
scrit ai 25 August 2003 da les 17:05:58 da noeles

Aministrazion

 

L comun de Bulsan ti reconesc l’indenité de trilinguism ai ladins

La Consulta Ladina é deventeda n pont emportant de referiment - L comun de Bulsan adora sciche prum l ladin standard te sies deliberes

(if)Do de gran bries dla presidenta dla Consulta per i problems ladins y aconsiadoura ladina tl comun de Bulsan, Dolores Dariz, s’à ai 22 de aost enduné raprejentanc dl comun de Bulsan con a cef l'assessoura Ingeborg Bauer Polo, l vizesecreter general Neumair, raprejentanc di sindacac y la aconsiadoura ladina Dolores Dariz y ai é vegnus a una da ti reconesce l dert a l’indenité per l’adoranza dl lingaz ladin ai impiegac tl secretariat dla Consulta per i problems ladins dl comun de Bulsan.



Aldò dl art. 76 dl contrat intercompartimental en doura à duc i dependenc publics che ti sporj tres sie laour n servisc demé o dantdaldut a la jent ladina, la rejon de giaté l’indenité de trilinguism. Les manscions dla secreteria dla Consulta per i problems ladins che é atualmenter Cherubina Nagler da Longiarü é dret desvalives. Ales peia via dal respone al telefon, scrive corespondenza, organisé manifestazions, tó pert y scrive i protocoi dles sentedes, enfin a se cruzié dles deliberes che à da nen fé con la consulta ladina. Ma la consulta ladina é ence chel organ che ciala da nia lascé jì a perde les relazions anter i ladins da Bulsan y chi dles valedes ladines y deida chi che vegn a sté te zité, gonot con aiuc dret concrec sciche chirì n cuartier. Nia desmenté ne dess vegnì l projet per la ciasa di ladins, n alberch con cuartiers resservés ai ladins che viv normalmenter tles valedes, ma che laora a Bulsan y à perchel debujegn de n alberch ence te zité. Y per destrighé duc chisc doviers da vigni di mess Cherubina Nagler rejoné y scrive i idioms ladins desvalifs sciche ence l ladin standard, - la secreteria dla consulta ladina de Bulsan é na pioniera tl ciamp da scrive documenc ofiziai per ladin standard, - y laprò ciamò i autri doi lingac dla provinzia. L reconesciment dl’indenité de trilinguism da pert dl comun de Bulsan é n vare devers l reconesciment ofizial dl savei y dl’adoranza de duc i trei lingac dla provinzia che demé i ladins met en pratica.

L’aconsiadoura ladina tl comun de Bulsan
Dolores Dariz


 
Liams emparentés
· Deplú sun l tema Aministrazion
· Chier te noeles


L articul plu liet te chest tema Aministrazion:
Dal Ofize chestions linguistiches: does verscions ladines dl Statut de autonomia


Valutazion dl articul
Cumpeida mesana de oujes: 5
Oujes: 2


Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.388 seconc