benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Lites provinziales 2003 - Dut sun internet
scrit ai 22 August 2003 da les 12:58:34 da noeles

Aministrazion

 

Dut cie che an dess savei entourn les lites

Dai 30 de setember 2003 inant sarál ence da vedei dutes les listes con si candidac

(osp) -  I ruvon for plu davejin a la data dles lites dl Consei provinzial: la domenia ai 26 de otober 2003. I partis busia. Duc i particolars y les informazions importantes sun les lites pòn sen lieje do tles trei rejonedes provinziales tles plates de internet dla Provinzia. Do les lites podarán cialé do chilò ence duc i resultac. Les plates speziales sun les lites é metudes adum da 9 chedri informatifs y an ti ruva permez tres n liam da la pruma plata dla homepage proviziala www.provinz.bz.it, o diretamenter a les plates ladines http://www.provinz.bz.it/service/wahlen/index_l.htm



Les plates sun les lites é dret scemples da vijioné: sot l pont "Cie végnel pa lité?" végnel dé informazions generales sun les lites, soura l sistem lital, co che al vegnirà spartì su i mandac y sun l grup de rejoneda ladina te consei provinzial. Chi che pò tó pert a les lites y les desposizions per chi che é jus a sté foradecá végnel splighé te n cheder a pert. Plu inant giàten les informazions cie documenc de reconesciment che an dess se tó pera can che an jirá a lité y co che an mess emplí la zedola da lité. Ai comuns ti végnel metù a la leta duta la documentazion de uega sun la organisazion dles lites, enscí na spligazion coche an pò ruvé permez a fé l cumpeidaoujes o a fé l president de na sezion litala. Chi che chier informazions ciamò plu menudes sun les normatives dles lites dl Consei provinzial abina tl cheder "leges y comunicazions" duc i documenc de uega tl format *.PDF. Dai 30 de setember 2003 inant podarán vidlé sun les plates te internet ence dutes les listes di partis y si respetifs candidac. Chest ne é nia ciamò dut: da vedei él ence i resultac dles lites da denant, cheles dl 1998 y n curt ressumé de dutes les lites dal 1948 inant. Enultima él ciamò la poscibelté de ti mané domandes a l'aministrazion provinziala, sce zachei adorassa valch clarificazion en plu. Les plates speziales sun les lites te inernet é vegnudes enjignedes ca te na colaborazion anter la Provinzia y la Südtiroler Informatik AG.

 
Liams emparentés
· Deplú sun l tema Aministrazion
· Chier te noeles


L articul plu liet te chest tema Aministrazion:
Dal Ofize chestions linguistiches: does verscions ladines dl Statut de autonomia


Valutazion dl articul
Cumpeida mesana de oujes: 0
Oujes: 0

Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.385 seconc