benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Letra daverta dla Lista LADINS
scrit ai 22 August 2003 da les 10:13:13 da noeles

Politica

 

Les Unions dess traté duc unfat

La Lista LADINS slomeneia les Unions de categoria y ghira che ales trate duc unfat pro l reclam lital

Te na letra daverta maneda fora encuei da la Lista LADINS a dutes les Unions Provinziales de categoria (Ostiers, Paurs, Artejans, Industriai, KWV, ASGB) se damana la Lista che al vegne tegní ite les regoles basilares en previjion dles lites provinziales de chest auton: "Pro les ultimes lites á les Unions de categoria sostegnú a na maniera scialdi desplajoula y ingiusta demé certes listes y cerc candidac. Nos araton de avei dut l dert da podei o miec messei ghiré da les Unions a livel provinzial y local che duc i membri dla Union che candideia vegne sostegnus pro l reclam lital a na maniera valiva, unfat sun cie lista che ai candideia, zenza  végnel maladoré  fins y mesi finanziars dles Unions de categoria, sce nia enfinamai defraudé", scriv la Lista Ladins. Miné él dantaldut l sostegn massif de chestes unions per candidac dla Svp. Sun l retrat: dr. Giovanni Mischí.



La letra é firmeda dal aconsiadour ladin dr. Carlo Willeit y dal capolista dla lista LADINS, dr. Giovanni Mischí.

 
Liams emparentés
· Deplú sun l tema Politica
· Chier te noeles


L articul plu liet te chest tema Politica:
Südtirol: Karte mit historisch gewachsenen Namen


Valutazion dl articul
Cumpeida mesana de oujes: 0
Oujes: 0

Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant

Re: Letra daverta dla Lista LADINS (ponc: 1)
da travers ai 22 August 2003 da les 11:24:04
(Infos sun l utilisadour | Ti mané n messaje privat)
"Pii desideri" dijéssun por talian. Vigni uniun, grup, assoziaziun, lia é tacada ite te n "Landesverband", y cie che Land ò dì bei uns in Tirol él düc che sa. Se aspeté la neutralité da chestes unions - che por statut é sambëgn dütes apolitiches - foss sciöche se aspeté l'elemojina dal IMF.



Re: Letra daverta dla Lista LADINS (ponc: 1)
da giatfosch ai 24 August 2003 da les 23:27:35
(Infos sun l utilisadour | Ti mané n messaje privat)
chesc che vigni uniun (y cinamai l sindacat) é tacada al partì de maioranza é sistem totalitar. düc cun sostegn porí ala Einheitspartei SED, pardon, SVP. Bulgaria, per indenderci.


News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.376 seconc