benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Da la comiscion per la sconanza dl ambient
scrit ai 21 August 2003 da les 16:40:11 da noeles

Desvalives

 

La comiscion dl ambient à dé pro

Derturament dla streda „Sotrù-Oies“ y dl troi Bulacia-Mont de Souc

Dlijia da La CruscPro la stazion a val dla furnadoia de Mont Souc, tl Comun da Ciastel pòl vegní fat su na utia per la legna da brujé. La utia é sotera y nia da vedei aja che ala é curida da gliera (giara). "Na tel utia jiva debujegn per rejons de segureza" él vegnù splighé da la II. comiscion per la sconanza dl ambient. A una se à la comiscion ence mostré per l derturament dla streda "Sotrù-Oies" tl Comun de Badia. Chesta é la streda che conduj permez a la capela a Oies dl beat Ojuep Freinademetz che vegnirà consacré sant da d'auton. Davia che la capela é n travert per trueps vijitadours y pelegrins, va chisc laours dassen de uega. Na streda da gliera (giara) da jí a pé dess deventé l troi di pelegrins enfin permez a la capela a Oies. Per che an posse ence lascé ju i auti, vegniràl enjigné sun l our dla streda n valgunes lueges da parché, olà che al dess giaté lerch enchin a 60 auti.



Vedù dantfora él ence na lerch, olà che les corieres posse raidé y does lueges per parché  corieres. Chesta dess ester entratant na soluzion provisoria. I pareis de artegn ziclopics dess demé vegnì fac su, olà che ala ne va nia autramenter, autrò vegnirál fat rives con plantes y empradides. Ence l troi sun Bulacia y sun Mont de Souc dess vegnì englieré (engiaré). Chest troi plajoul da jí a pé dal Eurotel enchin sun Bulacia é vegnù dassen slavaté fora y dess perchel vegní comedé y englieré ite. (osp)

 
Liams emparentés
· Deplú sun l tema Desvalives
· Chier te noeles


L articul plu liet te chest tema Desvalives:
Aiut Alpin Dolomites: sajon da d'isté dant porta


Valutazion dl articul
Cumpeida mesana de oujes: 0
Oujes: 0

Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.401 seconc