Stipendiums: enchin a sen bele 4705 domandes

I formulars é a la leta te duc i comuns dla provinzia

(if) Enchin a sen él vegnù prejenté endut 4705 domandes da pert de studenc. Sciche l'assessoura provinziala Sabina Kasslatter Mur preziseia, él vegnù prejenté 90 domandes de stipendium per les scoles de oblianza (termin ai 16 de otober), 736 per les scoles profescionales (termin ai 30 de otober) y 3.859 per les scoles autes (termin ai 16 de otober). Ence les domandes da pert di studenc universitars pò vegnì prejentedes enchin ai 16 de otober. La Jonta provinziala pò fé te vigni moment les verifiches nezesciares sun la veritorité dles indicazions contegnudes tles domandes. Chestes verifiches vegn fates a la bisca. D'autres informazions pòn giaté pro l ofize a l'assistenza scolastica y universitara tla streda Andreas Hofer 18, palaz VII, 2. auzeda, ciamena 205, telefonicamenter ai numeri 0471 413305/412924/412925.

I formulars per fé domanda é a la leta (desponibli) te duc i Comuns de Südtirol, tl ofize a l'assistenza scolastica y universitara y ence pro dutes les scoles de vigni gre. Dutes les informazions y i forumlars pòn ence dejciarié da Internet , da la rei zivica de Südtirol a la miscion: www.provincia.bz.it/Schulfuersorge-berufsberatung/4001/Schulfuersorge/index_i.htm

(fontana OSP)