Ejam da iagher per l'abilitazion a jì con l sclop
Les domandes de amiscion al ejam enchin ai 29 de aost - Ejams teoretics y pratics
(if) Les domandes de amiscion al proscim ejam da iagher/ciaciadour mess vegnì prejentedes al ofize provinzial per la ciacia y la pescia a Bulsan enchin ai 29 de aost, enscì lascia alsavei l ofize competent. L proscim ejam pratich vegnirà tegnì a San San Laurenz - demé per l ejam da sclopeté - ai 14, 15 y 16 de otober. A Maran-Maia Bassa depierpul vegniràl tegnì tamben l ejam da sclopeté che chel de teoria per duc i candidac dai 21 ai 24 y ai 28 de otober. Al ejam ne pòl nia tò pert chi che à fat l servisc zivil, sciche prevedù da la legislazion nazionala. Les domandes de amiscion sun cherta boleda da € 10,33 pò vegnì prejentedes al ofize per la ciacia y la pescia (Bulsan, streda Brenner 6), olà che an giata ence i formulars per fé domanda. L term ultim de prejentazion é l 29 de aost.
I candidac che mess ciamò sostegnì la proa da sclopeté mess mete laprò ence n zertificat dl mede, desche scrit dant per la lizenza da porté ermes per rejons de ciacia, sia data ne dess nia ester plu vedla di 28 de auril 2003. Al ejam de ciacia pòl to pert demé persones che à complì i 18 agn, al ne pò nia tò pert cheles persones che à fat l servisc zivil. L candidat pò se prejenté endò al ejam pratica a vigni sescion, enfin che al à superé l’ejam pratich che ne perdarà chest nia plu sia validité. L ejam é sciche dagnora metù adum da na pert pratica y da na pert a ousc sun la salverjina, la legislazion dla ciacia, les ermes da ciacia, la sconanza dla natura y la tradizion de ciacia.
Per les proes dl sclopeté él a desposizion la sclopetera de San Laurenz dai 19 de aost 2003 inant vigni mertesc y mercui, da les 18 a les 22. La sclopetera de Maran é a desposizion dai 4 de otober, vigni sabeda y domeinia, da les 9 a les 12 y da les 15 a les 18, dai 7 de otober ence de mertesc, mercui, juebia y vender, da les 15 a les 18.
I candidac/les candidates giatarà per scrit la data y l’ora dl ejam de ciacia. Al vegn fat alsavei che denant che podei tò pert a la proa pratica mess i candidac superé n curt ejam a ousc sun l funzionament dles ermes y sun les metodes de segureza. Per d'autres informazions pòn cherdé su l ofize provinzial per la ciacia y la pescia, tel. 0471/415175/415172. (fontana OSP)
