benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Mostra Tla Ciasa de Ra Regoles
scrit ai 10 August 2003 da les 09:40:57 da noeles

Cultura

 

"Con l cender ti uedli"

Les fotografies de Francesco Fossa, n viade amesa jent desmentieda tl Afganistan -Daverta vigni dì da les 10.00 a les 12.30 y da les 16.00 a les 20.00

de Ernesto Majoni

En mertesc, ai 5 de aost, ti locai a plan-tera tla Ciasa de Ra Regoles, él vegnù inauguré na mostra de fotografies n pue fora dl solit: "Con l cender ti uedli - Afghanistan-Pakistan", de Francesco Fossa. Al é vegnù esponù demé n valgunes dles fotografies che Fossa, n jornalist y fotograf da Roma che laora per l TG 4, à fat ju da setember enfin november dl 2001 anter l Afghanistan y l Pakistan, belavisa entratant i dis che l’Alianza dl Nord vegniva inant devers Kabul. Anter dutes les manieres de mostré n paisc te vera, ti à Fossa cialé a la vita da vignidì dla jent decà dal front. Vive te chisc paisc vuel dì sciampé vigni dì da les bombes y da les mines, dai militars che va tles ciases a se tò femenes y mutons, da la jent che se copa anter ei, da les malaties, da la fam … Dutes desgrazies che ilò conéscen da semper, che desdruj, che bruj dut y che lascia endò demé cender. Per via dl inom che an ti a metù a sia mostra, à Francesco Fossa dit: "L cender fej vegnì dut grisc, al se poia sun l’anima dla jent, al scuresc l rì, al cuerj les pascions de duc: enscì ésen te vera ence can che degugn ne se pugna y che al ne jola na moscia. Lajù, la vera é oramai engraveda ti uedli dla jent."



Les fotografies metudes fora, la storia che é viadò cheles muses, cheles ciases, chel ciel, é la storia de n viade amesa jent desmentieda, anter dutes sies poures y sies struscies. La mostra de Francesco Fossa che à l "patrozine" dl Ofize per la Talia dl "Aut Commissariat dla ONU per i Refugés", restarà daverta duc i dis enfin ai set de setember, da les 10.00 enfin a les 12.30 y da les 16.00 enfin a les 20.00: per jì ite ne àn nia bria de paié.


 
Liams emparentés
· Deplú sun l tema Cultura
· Chier te noeles


L articul plu liet te chest tema Cultura:
Sotescrivede l Manifest LADINIA 2005!


Valutazion dl articul
Cumpeida mesana de oujes: 4.5
Oujes: 2


Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.448 seconc