Ozon, n gas da mete averda

L gran ciaut deida la formazion dl ozon tl aier

(if) Enier da seira da les 19.00 él vegnù superé l livel de verda dl ozon (180µg/m³) a Bulsan tla streda Amba Alagi con 193 µg/m³. Al à duré does ores. Tles autres stazions de souraverda tla provinzia, enscì informeia l labor provinzial de chimica y fisica, ne é i valours de verda nia vegnus superés, ma an é dlongia. 

Con l auzament dles temperatures ti ultims dis él ence aumenté la conzentrazion dl ozon tl aier. Chest gas, danous soura n cert lim, vegn mesuré pro les stazions provinziales dl empaziament dl'aria da pert dl labor de chimica fisica. Ajache ti dis che vegn él vedù dantfora temperatures de gré en gré plu autes, pòn se aspeté endò valours auc dl ozon tl aier. Persones che à problems con l fle ne dess nia se fé fadia alalergia domesdì. Chest végnel aconsié dai esperc dla agentura provinziala per l ambient.

I dac sun l ozon  (entratant l di y entratant l meis) dles stazions de mesurament pòn giaté sun internet: www.provincia.bz.it/agenzia-ambiente/2908/.
 
Per d'autres informazions pòn cherdé su l labor de chimica fisica, tel. 0471-291324. (fontana:OPS)