benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Contribuc tegnis endò
scrit ai 01 August 2003 da les 09:32:08 da noeles

Politica

 

L assessour Mussner ejamineia y tegn entratant zeruch contribuc

Y sce Roma ne ti paiassa nia plu les spetanzes a la provinzia de Bulsan? - La Consulta dess daidé garantì la liberté de minonga

Enier él vegnù publiché te n articul sun l sfuei edemanal todesch "FF" che l assessorat de Mussner tegn zeruch contribuc bele conzedus da la Consulta y chest plu avisa a la Union Generela y dantaldut a l'Union Scritours Ladins Agacins che tegn, anter l auter, davert chest sit www.noeles.net y redazioneia la plata sun l Alto Adige, con tons critics y nia dagnora conforms a la politica ladina dla Svp. Sie ciamp de jornalism ruva aboc tl ourt politich, scecan l chiet vive dl partì y chest é samben steda la gauja per chest "entardivament".



Sun domanda de Willeit à l assessour responù che al "vegn ejaminé, sce les unions á ciamò de autres entredes"; sce chesta fossa la dreta gauja, essa duc i contribuc da eniann messú vegnì tegnis endò. Dutes les unions á ence valch autres entredes y ales mess ence les dé dant a la provinzia can che al vegn fat la domanda. L problem endere é majer: dess i contribuc a la Cultura ladina demé plu jì a projec y unions che desmostra reverenza a la politica dla Svp? Samben, chest sit ne podova nia jì tant inant a aprijé la delibera de Mussner che ti scluj la porta al svilup y a l'aplicazion concreta de n lingaz scrit unifiché, zenza deguna spligazion fundeda. Entratant él vegnù fora truepes toutes de posizion critiches, desmostran che al ne se trata nia demé de invenzions de valgugn puec. Al Di dla Unité Ladina él ence vegnù definì na "conditio sine qua non", n vare obligator donca.

Cie nen dijessa pa la provinzia da Bulsan o l foliet todesch Dolomiten che giata passa n milion de euro de sostegn publich da Roma, sce per vigni ombria de dissens con l Govern, per vigni articul critich tl foliet Dolomiten, Roma ne ti paiassa nia cie che ti speta a la provinzia da Bulsan o entardivassa i paiamenc?
Unions y assoziazions che laora tl ciamp dla cultura y informazion ladina dessa prinzipalmenter avei n dert de giaté n contribut publich, sce ai se l damana do. Y la Consulta Ladina à ence l dovei de garantì pluralism democratich y nia de se fé stroment per tegnì ju la liberté de minonga, de "gleichschalten", tant deplù sce i on da fé, sciche te nost caje, con mendranzes.


 
Liams emparentés
· Deplú sun l tema Politica
· Chier te noeles


L articul plu liet te chest tema Politica:
Südtirol: Karte mit historisch gewachsenen Namen


Valutazion dl articul
Cumpeida mesana de oujes: 5
Oujes: 4


Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant

Re: Contribuc tegnis endò (ponc: 1)
da Dolasila ai 01 August 2003 da les 17:47:39
(Infos sun l utilisadour | Ti mané n messaje privat)
ciodì pa mâ noeles?
ajache noeles ne n'é nia alineé.

y a pensé che la Usc trata Mussner sciöche al foss n galantom, ntratan ch'al ne azeteia gnanca i prinzips de basa dla democrazia.



Re: Contribuc tegnis endò (ponc: 1)
da giatfosch ai 01 August 2003 da les 21:24:33
(Infos sun l utilisadour | Ti mané n messaje privat)
ci bel, scior Mussner, ci persona valenta, de mesura, de profescion politica, de toleranza, insomma, un eroe, signor Mussner, di un sistema che non conosce la libertà di stampa.
L'Pressekontrolldienst vegn segn fora!!


News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.442 seconc