benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Les lites provinziales 2003 / La Lista LADINS y i candidac
scrit ai 19 July 2003 da les 22:51:18 da noeles

Politica

 

N bel clap de 35 candidac, Giovanni Mischí dantfora

Truep entusiasm anter i 35 candidac sun la Lista LADINS, n segn che la lista brancia tla populazion ladina

Encuei (19.07.03) él vegnù prejenté te na conferenza stampa i candidac y l program dla Lista LADINS sun Mont de Pana a S. Cristina. Prum sun la Lista saràl l president en ciaria, Giovanni Mischì, secont  l aconsidaour provinzial Carlo Willeit, spo alfabeticamenter. El enstes á fat la proposta de Mischí che é vegnuda azeteda. I 35 candidac vegn n pue da duc i paisc dles does valedes ladines  y da les zités de Südtirol, valgugn ence de todesc per esprime che an ne se scluj nia ite, ma che an vuel arjonje na democratisazion te dut Sudtirol, olá che dut vegn scenó sofoié politicamenter, sce al va fora dla schedra Svp.  Sciche i esponenc dla Lista á dit  ne se án nia fat ert da giaté candidac, n segn che la Lista brancia, vegn sciazeda y reconesciuda tla populazion ladina. Enscí végnel manifesté clermenter la volenté de jí inant con chesta forza politica ladina autonoma. Sce i ladins se prejenteia con na lista de 35 candidac á chest democraticamenter dut n auter peis che sce al ti vegn demé dé lerch a un n candidat ladin soul sun valch lista y gonot metú da lassú ju, sciche al é suzedù per ejempl con la cherdeda de Florian Mussner. Daite la lista entiera ...

Sun la foto: i 35 candidac dla Lista Ladins en sabeda sun Mont de Pana a Santa Cristina.



 
 
 
 
 
 
 
 
 
 
 
dr. Giovanni Mischi, capolista, Lungiarü
dr. Willeit Carlo, Selva
Burchia Elmar, La Ila
dr. Burger Wolfgang, Aldein
dr. Castlunger Lois, La Ila
dr. Castlunger Cenderelli Wally, Colfosch
dr. inj. Clara Leopold, Bornech
Clara Richard, Al Plan de Mareo
Costa Monica, Lungiarü
Costamoling Willy, Corvara
dr. Cristofolini Pepi, Al Plan de Mareo
Dariz Dolores, Balsan
Demetz Heinrich, Urtijei
Denicolo Franz, San Laurenz
Ferdigg Ernesto, Rina
dr. Grossrubatscher Max, Persenon
Huber Peter, Lana
rag. Insam Riccardo, S. Cristina
Irsara Leo, San Ciascian
Kaslatter Walter, Urtijei
dr. Ivan Lezuo, Leifers
Moling Franz, La Val
dr. inj. Mussner Flavio, Selva
Palfrader Teresa, La Pli
Paratscha Renato, Antermeia
Pedevilla Clara, Eppan
Peristi Moritz, Urtijei
Pescollderungg Iolanda, San Martin
Piccolruaz Paul, Badia
Senoner Mussner Eleonora, Selva
Steiner Schmid Wally, Balsan
Stuffer Pezzei Matilde, S. Cristina
Tavella Gottfried, La Val
Ties Verena, La Pli
Trebo Maria Grazia, San Martin de Tor
 
 
La Lista LADINS spera de arjonje cheles 6000 oujes che va debujegn per n mandat y tla mioura ipotesa la maioranza dles valedes ladines per podei daurí na sajon nueva de relazions anter provinzia autonoma de Bulsan y Ladins, nia te na situazion de subalternité, a patron, ma con na ousc sterscia y autonoma. La Lista LADINS crei che i ladins sae da aprijé l sforz de afermazion che va bele inant da does legislatures, n gran vare de democratisazion, de dignité y liberté per i ladins che ti é ence vegnú confermé da la plu auta Istituzion dl Stat, da la Court Costituzionala, che á declaré antiladina la lege litala dl 1998 dla Svp.

 
Liams emparentés
· Deplú sun l tema Politica
· Chier te noeles


L articul plu liet te chest tema Politica:
Südtirol: Karte mit historisch gewachsenen Namen


Valutazion dl articul
Cumpeida mesana de oujes: 3.4
Oujes: 5


Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.357 seconc