"Mendranza te na mendranza" ne plej daldut nia
Bele l titul che an ti ŕ dé al Convegn dij dut sun la impostazion politica
Che le consëi dla Regiun Trentin Südtirol organisëies en convëgn porsura i ladins fej dessigü plajëi y le presidënt dr. Franz Pahl se mirita dessigü en lalt por chësc so interés por i ladins sciöche al á bele fat in ocajiun dla presentaziun dl Statut de autonomia metü jö por Ladin Dolomitan. Nia dër tler é podëi dí chi che sta iadedô a d'ël y che organisëia sëgn chësc convëgn. Daldöt nia ne plej le titul dl convëgn "Ladins, na mendranza tla mendranza".
Chësc ó dí che an ne ó nia ti reconësce ai ladins en status autonom tl cheder dla regiun. Mendranza te na mendranza ó tres dí "sot ai todësc", resté por tres de püri petleri che va a damané iade por iade en pü de sconanza y benefizesc. Ciamň en iade ne vëgnel gnanca nominé i fodoms, i ampezans, i fascians, chësc ó dí che ladins é ma i badioc y i gherdënes, na cossa che ne po nia gní azetada, deache chësta é espresciun de na meseria politica de chi che ne á nia le coraje de 
se fŕ aldí, ince sce ëi vir tl ciantun plü bel dles Alpes y ne po nia dezide instësc. I ladins po ma aministré comuns, mo ai ne á mai porvé de aministré en raiun, olache dötes les valades é tutes ite. Cina che al ne vëgn nia fat chësc rajonamënt che düc i ladins alda adöm, altamo les 5 valades, ne n´él por nia fá convëgn, döt ma na comedia de incensciamënt al partí de maioranza.
Rëgn de Fanes: tres ma en som, o garatarál ince realté, tl significat che al toles ite düc i ladins, pro Balsan o tla Regiun Trentin-Südtirol?
La vera cuntra le Ladin Dolomitan é na desmostraziun tlera che an ne á nia ciamň odü ite la forza y la uniun dl raiun ladin. Al mancia dötaurela la orenté de na identité politica, culturala y aministrativa.
Umbert Cians
