benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Dal Consei Regional - Region sciche istituzion
scrit ai 10 July 2003 da les 21:00:13 da noeles

Politica

 

N dert de ruvé te jonta ence fora dles valedes ladines  

L caje dl comun de Bulsan l plu important - Istituzion dla Region Trentino-Südtirol tres plu vueta

Sun proposta dl raprejentant ladin Carlo Willeit él vegnú aproé en mertesc passé (07.07.03) tl Consei Regional la norma che ti dará l dert a conseiers comunai declarés ladins te comuns fora dles valedes ladines de jí ite te jonta comunala, ence sce al é demé n soul aconsiadour ladin te consei. Enfin a sen  messňvel nen ester almanco doi sciche a livel provinzial per avei chest dert de jí te jonta. L caje plu important é l comun de Bulsan olá che la lege podessa avei tost  fazion concreta. La prejenza de n aconsiadour tl comun de Bulsan se á revelé scialdi important per conduje inant y porté a soluzion problematiches liedes a la jent ladina  en pruma persona (Consulta Ladina, Ciasa Alberch per studenc y laoranc ladins y e.i.). L medem podéssel suzede te d'autres zités.



Contra chesta norma a ben di ladins á protesté dassen l raprejentant dl partí talian AN (Alleanza Nazionale) Urzí che á manacé de pluré la lege. Per fortuna ne pň AN nia empugné leges dant da la Court Costituzionala dij la Lista Ladins, ma ence sce la jonta provinziala l fajessa, encontássela ben does sentenzes dla Court, promuetes da Willeit che confermeia chest dert di ladins. Urzí y AN, enscí la lista LADINS, auza ben dagnora la ousc can che ala se trata de rejons dla "mendranza" taliana, ma pesta tl medem temp con i piesc i derc de autres mendranzes, te chest caje de chela ladina; n comportament daspavent burt, grove  y da condané.

Region Trentino-Südtirol: dla istituzion réstel demé plu na crosa y daite él dut  doi

Per cie che reverda la Istituzion dla Region Trentino- Südtirol che la Svp volessa tó ju plu gen encuei che endoman dij la Lista LADINS che la Region podessa avei na certa importanza per la mendranza ladina destenuda soura i confins provinziai tla Region, ma nia sciche ala vegn manejeda encueicondí. L svuetiment  é bele jú tant inant che an  ti á sourandé a les provinzies ence cheles pueces competenzes tl ciamp dla sconanza dles mendranzes che ala ova: p.ej. de normé la doura dl lingaz de mendranza y de normé  les condizions per i intervenc a ben dla cultura. La Region perd enscí veramenter tres deplú la rejon de esiste. La Lista LADINS se ghira perchel "o che an ti dae na funzion nueva o che la Region, sciche ala é sen, vegne veramenter touta ju".

 


 
Liams emparentés
· Deplú sun l tema Politica
· Chier te noeles


L articul plu liet te chest tema Politica:
Südtirol: Karte mit historisch gewachsenen Namen


Valutazion dl articul
Cumpeida mesana de oujes: 4
Oujes: 1


Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.367 seconc