benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Les respostes de pre Antoni Beline, un di majers combatenc furlans
scrit ai 01 July 2003 da les 19:17:35 da noeles

Friul

 

"Il Friūl: sicu lis boris taponadis de cinise"

Encuei scrķven y liejen per furlan cotant deplś de enier, la coscienza furlana é sciche i boreis dl sporert curis de cender, ma enfin che al é boreis él speranza

En chel di che nos ti ņven mané les domandes per la intervista al redadour de "La Patrie dal Friul", Luche Nazzi, (ciala articul dessot) ti les ņven mané a does miscions, perian che valgugn responessa, encandenņ nes į responś sibe l capo-redadour che l diretour en ciaria de "La Patrie dal Friūl" enstes, pre o siour Antoni Beline, bonamenter ne savan nia che l auter ova bele responś. Per fortuna messonse dķ. I publicon ence les respostes de pre (siour) Antoni Beline che porta ite n grum d'autri elemenc che nes deida capķ  miec la situazion tl Friūl. Al nes į fat dagnora demarevueia coche na tel gran populazion, passa mez milion, con na tera scialdi rica che va da les montes dla Cergnia a la planura y al mer, ne é nia plu combativa per si derc linguistics. Ma tl Friul ne él nia dut tant calm sciche an miena da deforavia.

"O sin rivāts, sburtant e tirant dentri la curie e il vescul, a stampā la bibie par furlan, un biel lavōr che nus sta dant sodisfazions"
 
 
Jenfri il 1991 e il 2000 a son stāts publicāts 621 titui di libris furlans
 
L furlan vegn adoré  cotant te gliejia entourn per l Friul, ence davia che l grup "Glesie Furlane" ti sta do y enjigna les traduzions y  material che va de uega   (http://www.friul.net/glesie.html con la Bibla per ladin-furlan  on-line). Dl 1997 él vegnś publiché la pruma edizion prijoula dla Bibla per furlan tla traduzion autoriseda da la Gliejia oben da la CEI (Conferenza Episcopale Italiana), dl 1999 él vegnś fora na seconda edizion, valch che i Ladins dles Dolomites ne į nia ciamņ. L'editoria furlana é scialdi ampla, an sciazeia che al vegn fora vigni ann passa 200 publicazions per furlan.



 
1. Si fevelial ancjemņ par furlan in Friūl o dome intes localitāts fūr di man?

Al č dificil rispuindi a cheste domande, ancje pal fat che e je malmetude. E partģs di une concezion che e divīt il teritori fra teritori inte storie e teritori fūr de storie, isolāt, emargjināt e duncje penalizāt par dut ce che al rivuarde la modernitāt ma intat, usance il ghet, par dut chel che al rivuarde culture e tradizions. A mi no m’interesse che in cualchi bande dal mont si feveli par furlan, ma che il furlan al puedi jessi considerāt e doprāt come lenghe gjenerāl di vuź. Par no fā la fin dai indians, ch’a ąn une riserve par fā lis lōr ceremoniis folkloristichis, ma a son finīts.

La distinzion fra localitāt dentri e fūr de storie e dal marcjāt culturāl e je superade di chel imprest divin e diabolic che si clame mieē di comunicazion massmediatiche o, plui volgarmentri, televisōr. Tai lūcs fūr di man al po' no rivā il proges economic e sociāl, ma al rive siguramentri chel tecnologjic. Tai borcs di mont a puedin restā cence ostarie o cence predi o cence fabriche, ma no cence televisōr e duncje il riscjo al č gjeneralizāt. Forsit al č plui fuart propit lą che une volte il furlan al tignive di plui, parcč che nol ą anticuarps che lu parin in cheste mondializazion e globalizazion imperant. O crōt, par assurt, che la salvece, se e esist une salvece, vuź e vegnin de citāt, lą che si po madressi une cussience, ma no dal paisut, lą che si po' dome subī une tendence e la popolazion anziane no je in grāt di difindisi.

Fevčlino o no fevčlino i furlans par furlan? Ogni tant a vegnin fūr i libris cu lis statistichis, che a ripuartin une tendence patetiche e ireversibil. I furlans a fevelin simpri mancul par furlan. Chest par resons comprensibilis, o disarčs anagrafichis. A muerin i viei, che a vevin la cognossince, ancje se no la cussience, de lōr furlanetāt e no vegnin  sostituīts dai zovins. Prin di dut parcč che and č mancul, jessint il salt negatīf, e po a vegnin sł talians, parcč che. a diference di nō, no cjatin un contest culturāl furlan. No sintint mai a fevelā par furlan, i fruts no lu fevelaran mai come lenghe normāl, de vite e dal cūr, nancje s’a vuelin. E chest al č preocupant, ancje se al vāl par dutis lis lenghis, grandis e piēulis, fuartis e debulis. Ancje la lenghe mondiāl imperant, l’anglo-merecan, e je a riscjo, parcč che si stan creant, par reazion, altris lenghis. Ma ce che al po' spaventā un grant, al riscje di copā un piēul.

Lassant stā lis statistichis, che mi san plui di anatomie che di culture, o disarčs che la lenghe furlane e ą passāt e e sta passant il so moment plui brut, sedi pe politiche taliane che pal contest internazionāl. Dit chest, o pues testemoneā che il furlan al č fevelāt plui di chel che si pensarčs e si volarčs e al č un meracul che al resti par tante int la lenghe di ogni dģ. No vin di dismenteā la compresince, sul lavōr, di plui lenghis e culturis e la mancjance, tal furlan, dai neologjisims, tipic di cualunche lenghe minorizade che no ą fat il salt pe modernitāt o pe postomoderintāt.

 

2. Cjalant il Friūl stant di fūr, al semee che al sedi dut calm e che si movi pōc e nuie par chel che al rivuarde la minorance furlane. Cuāi sonei stāts i pas plui grancj di chescj ultims agns?

O vźs fat ben a doprā la peraule “al semee”, parcč che vuź si tint a privilegjā o a partī di ce che al semee, de inmagjine magari virtuāl, par definī il reāl. In plui al va dit che, se la confusion e l’ignorance a fasin scjas e a vivin di rumōr, la culture e cres tal cidin, te autocomprension, te fadie personāl e cotidiane. Sigurametri il Friūl, o almancul la sō part plui carateristiche e vitāl, al dą l’impression di cheste calme, cuiete, discrezion, che e podarčs ancje jessi cjapade par flaperie o par situazion comatose. In realtāt no esist mai une situazion di inmobilitāt, pal fat che ognun di nō si mōf, si sposte, si modifiche. Al dipent di viodi se si modifiche de bande juste o di chź sbalade. Tornant al nestri discors, al semee che la minorance furlane e sedi plui tal cjāf di cuatri nostalgjics impenitents e romantics, par no dī reazionaris, che ta la realtāt concrete. Invezit al esist un minim di sensibilitāt e di atenzion pai valōrs culturāi e sociāi de minorance che e je une costant di ducj chescj agns. No jessint un grop vonde fuart e vonde organizāt ma pluitost semenēutis che a menin fūr ca e lą, o disarai che la vitalitāt de minorance furlane, soredut dal pont di viste culturāl, e je dade di tantis piēulis sorpresis che no esistin di altris bandis. Mi riferis a la produzion di libris par furlan. Ancje se, dal pont di viste gramaticāl, nō furlans o sin un popul di analfabets, tal sens che nissun no nus ą insegnāt a lei e a scrivi par furlan e ducj nus ąn conseāt di vuardāsi di un tentazion cussģ stupide e periculose pe cariere, o pensi che pocjis regjons, plui sioris di nō par capitāl e par ricognossiment istutuzionāl, a vedin une produzion numericamentri e cualitativamentri alt come la nestre. Fra il 1991 e il 2000 a son stāts publicāts 621 titui di libris furlans. Che si stenti a dā dongje chestis fuarcis, al č un altri discors, ma vuź si scrīf par furlan e si lei tant plui di īr. Chest sens di calme al po' jessi dāt dal fat che la cussience furlane e je come lis boris dal spolert taponadis de cinise. No je la condizion ideāl, ma fin che a son sot de cinise, no son muartis e si po simpri sperā di tornā a dāur vite.

Passant ai fats che a caraterizin la presince de minorance furlane e a son spieli de sō vitalitāt, no pues no rifāmi a la leē pes minorancis (art. 6 de Costituzion), firmade malvulintīr e ostacolade in ogni sisteme par che no vegni metude in vore. E je une vitorie straordenarie di chei che a ąn lavorāt a paiāt di persone. La Regjon e ą cjapade in man la situazion intervignint inte cuistion scandalose e ingredeade de pluralitāt di grafiis. Cumņ, ben o māl, o vin une grafie uficiāl, acetade e insegnade a nivel gjenerāl. Tal setōr de scuele, si sta preparant une schirie di sussidis didatics, ancje se in alt no ąn nissune passion ni premure par meti in vore ce che lōr stes a ąn firmāt. In cjamp religjōs o vin une vitalitāt che si le cjate in nissune altre bande, ancje se tune posizion di minorance e di sopuartazion. O sin rivāts, sburtant e tirant dentri la curie e il vescul, a stampā la bibie par furlan, un biel lavōr che nus sta dant sodisfazions. Di li o vin dāt dongje il lezionari festīf, in splendide edizion, che al č stāt consegnāt, ancje se no doprāt, in dutis lis glesiis. Cumņ o vin a pene finīt il messāl roman par furlan, seont l’ultime edizion tipiche vaticane. Un lavoron di infinide passience. Se a Rome a stentaran a firmālu o no lu firmaran, no je colpe nestre. No vin di dismenteā che di trent’agns si sta celebrant par furlan tant la messe che i sacraments principāi, cun relative edizion di sussidis musicāi e liturgjics.

Se si va a cjalā ben, dut chest no si lu cjate  in nissun’ altre realtāt minoritarie taliane. Lą che a doprin la lenghe uficiāl di un stāt confinant e protetōr (come tal cās dal Süd-Tirol, de Valdoste e, in proporzion limitade pe part slovene), a doprin ancje i sussidis didatics, televisīfs, catechistics e vie. Oltri a la pression politiche o economiche che la nazion mari e po esercitā sul stāt talian inadempient (in particolār la Gjermanie), chestis minorancis a puedin doprā dut ce che al ven produsūt te nazion mari e duncje cjatāsi la mignestre pronte. In chestis situazions al č facil inludisi di cori e crodi chei chei altris a stedin fźrs. In realtāt nō o corģn dome cu lis nestris gjambis e cun dut che nus sburte cuintri. Par chel no si sintģn falits e nancje mancul grintōs e motivāts di altris, ancje se i risultāts no son esaltants. Si contentģn di esisti e di resisti.

 

3. Cuālis sones lis resons che li di vualtris al č cussģ dificil un moviment politic fuart, cun rivendicazions claris, in grāt di gambiā la situazion di fonde fūr?

Lis resons che chi di nō al č cussģ dificil di inmaneā un moviment politic fuart a son lis stessis che a fasin sģ che li di vualtris al č plui facil o adiriture scontāt. Mi riferis a la costatazion e a la convinzion gjeneralizade di jessi une entitāt culturāl diferente di chź taliane, e chest ancje pal fat evident di vź un’altre lidrīs o nazion di partignince, cun grande tradizion culturāl e cun grande fuarce politiche e economiche. Un che al ą un barbe siōr, al č facil che al vedi plui coragjo di un che nol ą nissun parint e nissune cognossince. La int dal Süd Tirol e ą sintude e patide la politiche culturāl taliane come une imposizion e une injustizie, che ju ą sburtāts a coalizāsi e a difindisi. La int furlane, e la slovene che e vīf in Friūl, fale cualchi ecezion, e ą sintūt dut chest come normāl, parcč che nissunn no i veve fat capī che nō o vevin une nestre identitāt e storie. E duncje si sin adeguāts al gnūf paron, ultim dai tancj, dal moment che o vin simpri scugnūt passā di un paron al altri cence nancje il gust di sielgi. La cussience politiche no ven fūr a buinore cul jevā dal soreli. E domande secui di preparazion, esperience di comant e no simpri di servizi e di sotanance e dut chest al č impossibil dibessōi, intun stāt come chel talian che al ą come pecje di fonde il nazionalizim e un fassisim congjenit.

Par rivā a gambiā di fonde fūr une situazion cussģ pesante, dibot croniche, al covente il concors armonic di dutis lis fuarcis: cussience popolār, scuele, glesie, stampe, classe politiche autonome e convinte, fuarce ecomoniche. Si trate di une scomesse al limit de utopie, ma che e merte fate. Al po' consolānus ma no judānus il confront cun altris realtāts regjonāls o nazionāls, come la Catalogne. Li a ąn simpri vūt, de bande de int, la glesie e gran part dai inteletuāi, cun in plui une grande potenzialitāt economiche.

Par onōr de veretāt al va dit che buine colpe dal faliment dal moviment autonomistic, scomenēāt dal 1966, al va dāt ai responsabii che si son sucedūts. Int cence ideis e cun pocje coretece, plui tacade a la cjadree che al ben dal popul furlan. Une brute storie che e penalize ogni gnūf tentatīf di agregazion. Cu la stesse clarece al va dit che i partīts e moviments autonomistics, tacant de Südtirolervolkspartei,  no nus ąn dade nissune man, preocupāts a fāsi la barbe par sč plui che a solevā la puaretāt dai fradis. O savin che no podin contā su nissun.

La sperance e je simpri parcč che e fās part de vite. Po stāi che tal gīr di cualchi an al sucedi ce che nol č sucedūt in trente. Si trate di cjatā la int juste in alt e, in bas, di rivā a tocjā lis cuardis plui sensibilis de int plui libare. Lis ultimis votazions a puedin jessi un bon pont di partence, se si savarą interpretā te maniere juste la grande domande di autonomie che la int e ą palesāt. O crōt che nissun nol nas autonomist, ma ducj a deventin, cun plui o mancul fadie e par stradis diferentis.

4. Cemūt ese la situazion cu la Tv e la stampe?

Tragjiche e vergognose, ancje se o vin cjapāt sł passe 50.000 firmis e protestāt par dut lą che si podeve fālu. Al di lą des promessis e des cjącaris, no esistģn di nissune bande. Il fat che il nestri mensīl, cun ducj i limits di possibilitāts economichis e di int, al sedi l’unic scrit dut par furlan, al rint l’idee. Se po si vūl doprā la lenghe furlane par dī monadis o par folklor, alore al č miei che no si scrivi nuie. O il furlan al vīf di vite dignitose, o al č miei che al sieri, come tantis plantis e nemāi in vie di estinzion. No sarą la fin dal mont, ma il mont nol sarą plui come prime, parcč che une lenghe e une culture a son un ben cussģ grant par ducj che al č un delit copāju o lassāju murī. Par chel che nus rivuarde, nō o continuarģn a fā la nestre part, savint di jessi su la strade juste e che la culture, cualunche, e vāl simpri plui de ignorance e de banalitāt.

pre Antoni Beline, diretōr de Patrie

Liam a la II. intervista:

Intervista al caporedadour Luche Nazzi.


 
Liams emparentés
· Deplś sun l tema Friul
· Chier te noeles


L articul plu liet te chest tema Friul:
Fieste Ladina y IV Colloquium Retoromanistich: program


Valutazion dl articul
Cumpeida mesana de oujes: 5
Oujes: 3


Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnś di comentars é l autour dl medem responsabel

Comentars anonims n'é nia ametus, preibel registredeves denant
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.367 seconc