Scluje l jouf de Frera

Mussner se lascia fé n stude da la Eurac - al pluev critiches

L assessour ai laours publics, Florian Mussner, ti á sourandé a la EURAC (Academia Europea a Bulsan) l'enciaria de elaboré n plan de fatibelté per scluje l jouf de Frera al trafich motorisé. Y al pluev bele critiches. Do le mote dess chest ester n argoment per les proscimes lites provinziales. Dassen contra vigni tentatif de scluje i joufs entourn l Sela é la Lista Ladins che é dla minonga che l achietament dl trafich ne scomencia de segur nia sun jouf de Frera, maben autró y rata che zirconvalazions de paisc sie true plu importantes y debujegn.

Sun l retrat: la streda devers l jouf de Frera (da la Val Badia), un di cater joufs entourn l Sela, daverc sibe d'invern che d'isté.

La Eurac, enscí la Lista Ladins, dess endò servì sciche fancela politica. Al ne dess nia vegní sparagné pro la manutenzion dles stredes soura i joufs che lieia adum les valedes ladines.